منتدى عالم الأسرة والمجتمع - عرض مشاركة واحدة

16-11-2014, 09:18 PM

#99

وتر قلبي

عضو جديد

تاريخ التسجيل: Oct 2014

المشاركات: 32

رد : مبالغة زوجي في الخصام

اقتباس:

المشاركة الأصلية كتبت بواسطة تميمية23

ما يصير يا حبيبتي هالكلام استغرب من ردودك بهالموضوع تحاولين تكسرين مجاديفها ومجاديف الأعضاء اللي قاعدون يقدمون حلول!! إذا لك تجربة سيئة لا تعممينها على الناس يا ما ناس تراضوا وصاروا سمن على عسل

أختي صاحبة المشكلة رجاء لا تزعلين أنا والله ما سجلت بهالمنتدى إلا عشان أرد عليك موضوعك لامس فيني وتر حساس ممكن لأن زوجي كان عنده نفس المشكلة بس الحمدلله مع الصبر والتفاهم تغير بشكل كبير .. السؤال هو ما فكرتي مرة أنه ممكن تكونين أنت سبب أو جزء من المشكلة!!

حنا نسمع منك فقط وما سمعنا من زوجك ممكن هو شايفك درامية بزيادة أو ممكن أنتي ما تقدمين له حلول يحب يسمعهم أو ممكن أنتي مو محتويته بشكل صحيح؟ يمكن هو عنده أسباب كثيرة تخليه ما يفضفض لك ولا يفتح قلبه لك.. مثلاً لما قالك أن عنده ديون أنتي تعتبرين لما تسلفتي من أختك انك ساعدتيه وصرتي شهمة بينما هو أخذها انها انتقاص وانقهر لأنه قالك ..

الشي الثاني أنتي ليش متأزمة مرررة و ليش تضربين نفسك ومتعبة نفسيتك صح الموضوع يزعل بس مو لهالدرجة الموضوع محتاج تفهم ومساعدة منك مو عتاب وزعل وصياح كذا يتأزم الموقف أكثر ؟ و واضح انك تحبينه مرره وتبينه يبادلك المشاعر ويعطف عليك دائماً ويعطيك الاهتمام.. هالمشاكل تصير لما يكون هو محور حياتك وشاغلك الشاغل.. اشغلي نفسك عنه وبتنقلب الآية وبتلقينه يلاحقك ويدور رضاك.. كثرة العتب والسؤال هذي كلها بتكرر نفس المشكلة ولا بتنهي حياتك بالطلاق من رجل حبيتيه وممكن تندمين ع هالقرار طول حياتك في حال ما تزوجتي ابداً ولا تزوجتي ثاني وصارت مشاكله ما تقارن بزوجك الحالي..!

زوجك مو سكير ولا تارك صلاة ولا خاين إذا هذي المشكلة بس بتنحل بإذن الله أنتي روقي وحسسيه بدعمك له وبثقتك فيه وفيه حيل أنثوية كثيرة تجذبينه لك ولبيتك ولطفلك الرجال مهما كان يضل ضعيف عند زوجته ولو انتي مو هامته ما شفتيه يصرخ ويعصب عليك ..!

أنتي تقولين يتخلى عن مسؤوليتك لو كان مو راعي مسؤولية ما اعتمدوا عليه أهله وما شال همهم.. حسسيه بأنك معتمده عليه واذا نام برى قوليله استوحشتي وما قدرتي تنامين من الخوف ولا تحسسينه بأنه مو أمان لك أبداً أبداً ولا تطالبينه يكتب لك شي وهو أصلاً مديون !! أنتي لباس له وهو لباس لك fg بالعكس هو أمانك بعد الله وثقتك فيه كبيرة ولو خذلك مرة ومرتين ما راح يخذلك دايم إذا استمريتي تفكرين فيه بإيجابية وثقة

قومي توضي وصلي والبسي واكشخي ولبسي ولدك وسوي قهوة وحلا وتقهوي ووسعي صدرك يا بنت الحلال وش ماخذين من هالدنيا وإذا طلع بسلامته وإذا رجع حياه الله إذا هونتيها بتهون .. وشوفي كيف ربانا الرسول صلى الله عليه وسلم على التسامح مع اللي رموا القاذورات عليه وقتلوا أحب الناس إليه وجرحوه وسبوه وشتموه مع ذلك عفا وسامح .. خليك أنتي متسامحة خليه يستحي منك ومن نضجك ومن كرم قلبك وشعورك النبيل والله لو هو حجر بيتأثر كلنا نستحي من المعاملة الطيبة ولا ؟ fg
وكل مرة يغلط مدي يدينك له واقبليه هذي هي الزوجة الحقيقية (القوية) توقف مع زوجها وتدعمه وتصبر عليه وخلي عنك اللي تقولك أدبيه ولا لا تسكتين له ولا انا زوجي مثلك مستحيل ينصلح حاله و لا زوجك مريض محتاج علاج ...الخ ما ذبحنا وضيعنا إلا هالسلبية

ماشاء الله كلامك مليء بالإيجابية

الله يسعدك يا تميميه و يعطيك حد مايرضيك

بس بعترض ع نقطه مهمه اغفلتيها اني تعبانه من الدين ! و المشاكلنا تدور حولها لا

هو رجعني عن طريق محكمه بعد طلاق و ووعد رجال انه ماعد يعيد تصرفاته

ورجعت ع هذا الشرط و لما رجعت قبل تطلع سالفة الدين رجع ل وضعه الاول عشان دراسته ثم جا الدين و زاد و تحملت بالعكس حتى أغراض بيت بالقطاره اطلب و اخذ من أهلي عشان ما ازعجه و لا أبت بالكلام معه كثير بس لما بدا يغلط و مد يده طلبت الطلاق هذا كل الموضوع و الا ما طالبت ب اهتمام
انا طالبت ب أمان !

ارجع أشكرك من قلبي و الله يوفقك بجد الايجابيه احتاجها لآني فعلا حالتي النفسيه تعبانه

__________________
يآرب