راجعه ابكمل عليك وشفت ردك هذا
شوفي يا مبتعثة
اخو زوجي كان متزوج وحدة اهله بعشقون التراب اللي تمشي عليه
فلاويه جداً ، يعني تقدرين تقولين مهبوله ، ما تملين من جلستها وسوالفها وسعة صدرها
لدرجة اذا جت راحوا لها وخلوني!!
وامه داءماً تقول لي خليك مثل فلانه ، شوفي فلانه
ابعطيك مثال على هبالها" مره كنا بمجلس عمته، ودخلت علينا وحده ما شاء الله طوييييله ومعروفه بطولها اللي ياخذ العقل
لما وصلت لزوجة اخوه هذي عشان تسام عليها ، قالت لها اصبري ، وسحبت (مركه) ووقفت عليها عشان توصل طولها وتسلم عليها، مهبوله تموتك من الضحك
لما انفصلت عن زوجي ، بعد شهرين كلمني وقال لي : اخوي طلق فلانه، وتزوج وانا ما ابي اسوي مثله!!
والله انه من هول الصدمة بالنسبة لي اني جلست يومين مواصلة ما نمت
وين راح ذاك الحب ؟! وشلون فرط فيها؟!!
عجزت عجزت استوعب ، لا وما كمل شهرين الا متزوج
معقوله ؟!
كانوا يتركوني احالي عشان يجلسون معها، الفرح والسعادة اشوفها بوجيههم اذا جت لهم
يا ربيه وشلون صار هالشي
ما ادري ؟!!
خلاصة اللي مريت فيه
ان فيه ناس تحب نفسها مررررررررره، لدرجة ما تشوف ولا تفكر ولا تحس باللي حولها
اهم شي نفسها وبس ، وهذولا ما يحبون يتعبون انفسهم ، فيطلقون بسهولة!!