ما يحزنني فعلا أن الملكة فترة طويلة لكن اشياء كثيرة كان يتجنب الخوض فيها كي لا تحدث مشكلة.و اشياء كانت قيد التأجيل لأن ما جى وقتها المناسب و مثال على ذلك الشغل بحكم اني كنت للحين ما تخرجت.لذلك تعلقت هالقضية و ما تم الاتفاق عليها.بيني و بينج الشغل مو من اولوياتي لكن الملل و قعدة البيت تخلي الواحد يجن.
انا ودي بس يفهم نقطة اني من اشد المعجبات بفكرة ان الوحدة تهتم ببيتها و بأسرتها و في نفس الوقت تهتم بتطوير نفسها و توسع مداركها و ما يتوقف طموحها تدخل دورات و تمارس أنشطة متنوعة حتى يكون عندها طاقة إيجابية و مخ مفتح و شخصية حاضرة.


اما بالنسبة لنقطة الصمت انا جايفتها جدا تحز بخاطري و ما اقدر اتساهل فيها تحسسني بالغربة.اذا كان الزواج بيت فلازم يكون الباب مفتوح و يرحب بكل خطواتنا،مو يصك على روحه و متوقع الالفة و الراحة.مو بس جذي يا مهرة تدرين اني صرت احس قاعدة في مكان رسمي.و ان حالة الكتم الي صايدتني مو صحية.كذا مرة أبوح و أوضح له يقلب السالفة هواش و خصام و هجران في الفراش و يصير ما يطالع في وجهي و لا يبيني اسوي له و لا و لا شيء!