رد : هل يتحول الحب الى صداقه
[QUOTE=RAOUF&RANA;3138022]
اقتباس:
المشاركة الأصلية كتبت بواسطة مهره
وانتى فيه حد يقدر يعاديكى او يقاطعك ..
ياخبر البيض .. انا متهيالى الدنيا كلها لو اتقاطعت انتى ماتتقاطعيش ..
والله يا خالو محدش بيرفع معنوياتي قدك 
مهره من يحافظ على شعرة الود يظفر ..
انما هذا لا يمنع من حدوثه ولم اخصص جنس معين متسبب فى هذا ..
لكن هذا صعب نراه بين حبيبين ..
مثلا انا لو ماشى مع واحده مثلا مثلا ومحدش يقول بتشيع الفاحشه .
وارتبطنا بمشاعر حب .. تجدها تطلب دائما علاقة الزواج وهذا حقها وايضا هذا هو الصح فما بعد الحب ايه غير الجواز ..
وعندما لا يلبى رغبتها حبيبها لاى سبب هو يراه
لا تقتنع وتعتبره بيتسلى وتقطع علاقتها به
اكيد البنت المحترمه حتعمل كده ..
طب نبقى صحاب . ابدا
طب ماتسيبينيش ..ابدا .
وتكنب على الفيس يا مآمنه للرجال يا مآمنه للميه فى الغربال
|
ما هو عشان ما نعتبرش انه بيتسلى فيبقى لازم الأمور تكون واضحة وما فيهاش لف ودوران.
وعشان كده قلت لك إن طبيعة الرابط اللي بينهم لها تأثير .. مش بس تأثير على ضرورة استمرارية العلاقة .. لكن كمان تأثير في الحكم على جزئيات أخرى .. لأن الرابط لما يكون قرابة أو جيرة أو زمالة طويلة حبتين .. فغالباً البنت هتكون عارفة الولد كويس نوعاً ما .. عارفة أخلاقه وشخصيته .. وبالتالي ممكن تقدر موقفه لو قال لها: آسف ما اقدرش اتجوز .. لأنها أصلاً هتكون عارفة جزء معقول من ظروفه .. ومش هيبقى في مجال تقول إنه كان بيضحك عليها أو بيتسلى .... ده غالباً.
أما لو كانت طريقة التعارف أصلاً مختلفة .. أو في الخباثة 
ومن خلف الكواليس .. فطبيعي إن أول شيء هيخطر على بالها إنه ندل وكان بيلعب بيها .. وبالتالي طبيعي جداً ترفض حكاية الصداقة دي.
والنقطة التانية إن اللي بتتعرف من خلف الكواليس دي أكيد عايزة جواز .. وعشان خاطر الجواز ممكن تستحمل مخاطرة الدخول في علاقة في الخفاء .. لكن هتعوز إيه بصداقة في الخفاء؟!
بعدين معلش يا خالو .. اللي بيكون نيته من الأول إنه يمشي معاها .. ده لا في دماغه حب ولا صداقة .. يعني نيته من البداية عطلانة .. فازاي فجأة عايز العلاقة تتحول لشيء محترم وعقلاني وناضج؟!
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 20-11-2014 الساعة 06:53 PM