البليغ ..

3 ناقشته وقت الملكة بالتفصيل وبينت له وجهه نظري كاملة ، قلت له عن اختلافاتنا ، بالشخصيات وبالميول والاحتياجات .. قلت له انه لا انا قادرة اتنازل ولا انت ، وان صار أحد منا تنازل مابيرتاح كونه مايتصرف على طبيعته

مرة طلب مني انه وش ابي منه ؟ ف ماقدرت اشرح له بلساني ، رحت وبحثت عن الشخصية الناضجة عاطفيا واحتياجاتها ، كان من بينها انه تحب الثقل وقليل من المشاعر ووووو
وبالمقابل بحثت عن الشخصية العاطفية وقارنت له بينهم ، اخذ الروابط وقراهم
ما اقتنع ، وللان يسب المنتديات ويلعن اللي حطهم ، وكل ما اصارحه بشيء يقول لاعبين بعقلك المنتديات

اخر 3 شهور من الملكة انفجججرت وصار يشكي اكثر ويلح اكثر تعبني كثير كثير وتعب هو بالمقابل ، يدق علي كل وقت ويطلب يشوفني شبه يومي ، ولاشفته يقوم يصيح عندي
انهارت نفسيتي كرهت العالم كرهت تجهيزي واغراضي وانظغطت من اهلي اللي يستعجلوني باختيار تجهيزات القاعة وتوزيعات القهوة والشاي ووو ، اوقات يدق ولا ارد عليه مقدر اسمع صوته ولاعتابه ولاطلباته ولا الحاحه علي بأسئلته ، مره ارد وعشرة لا ، ابيه يكرهني واللي صار انه ينهار ويتعلق فيني اكثر ، مايخليني انام بالليل طووول الوقت جوالي يرن ، والصبح اول ما اصحى بداوم ، انظغطت كثير وقلت له بعد ماسألني بالله عن اللي فيني قلت له ماحبيتك ، قال حنا مستخيرين ومرتاحين مابخليك ، الله اعلم منك قلت طيب مو يمكن الله كاتب لنا نرتاح لبعض ولانكمل لحكمة هو يعلمها ، قال لاتخربطين ، بتحبيني بعدين ان شاء الله ، شسوي وقتها ؟ قربت اختباراتي ، راح دق على ابوي وقال له كل شي بنتك تقول اكرهك وماترد على اتصالاتيء ، كرهته بزياده .. طلبت الانفصال وقال لابوي بنتك تبي الانفصال كلموها ، طلب منه ابوي يتركني فترة اختباراتي ومنها يختبر مشاعري ، اللي صار اني ارتحت جدا منه وكنت شايله هم تخلص اختباراتي ويرجع يدق ويطلب شوفتي ، قلت لابوي انا فعلا مابيه ماحبيته قال طبيعي ، تحبينه بعد الزواج مافي احد يحب بالملكة ، قلت وان ماحبيته وان رجعت لكم مطلقه ؟ مو اتطلق الحين احسن ؟ تعبوا اهلي معي وتعبهم هو كثر مايشكي لهم ويصيح ، دعيت وكلت امري لربي وقلت لو تطلقت بعدين يلومون انفسهم احسن من انهم يلوموني انه تركت رجل مافي احسن منه ..
اتذكر خالاتي كانوا يقولون ترى عادي بتضحكين على روحك بعدين وتقولين يازين العرس ، قلت بنفسي هم اكبر مني افهم مني ومجربين ولو ان شيء داخلي يقول حالتي غيير

كملت وكنت اشوف الحزن بعيون ابوي يوم زواج بنتهم الكبيرة ، كنت اتصنع الفرحة لخاطره واتبسم وارقصه معي ، يااه كان يوم غريب
بشهر العسل ظغطت على نفسي امثل حبه ،
ارتاح هو وكنت اسمعه يحمد الله علي ، اكره نفسي وقتها
تغيرت بعدين وصار يطالبني اكون مثل يوم السفرة ويظغط علي بالمواقف اللي يذكرها

4 يقول لي الكل يمدح باخلاقكم وعايلتكم
اذكر كنت اقول له انت تبي متدينه انا والله عادية جدا عبايتي كتف مو راس مثل ماتبي قال لي بيهديك الله
وانا قبلت فيه سمعت عنه مدح فضيع ، هو صح مايدخن ومهتم بصلاته لكن مدحهم كان مبالغ جدا فيه ، ومجرد ماكلمته انصدمت

5 لا والله ، وافهم من كلامك انه جالسة اخطط وضامنه وضعي صح ؟

6 انه احس بقيمته يمكن او احس بقيمة الزواج

6 بما اني وثقت برأيك ف راح اصبر والله يستر من الجاي يارب

7 سبب موافقتي ، كنت ابي استقر واكون اسرة ولما سمعت بدينه قلت بيساعدني ع الاستقامة ، لكن اللي صار الحين ديني اضعف بكثير قبل الزواج وصلاتي أأخرها للاسف وهو بعد ضعف دينه .. واجهل السبب !

الله يسعدك اخوي البليغ حفظت ردك عندي بملاحظة ، شكرا لك راح احاول اطبق الله يقويني ومعها بقوي علاقتي مع ربي

دعواتك لي ولزوجي بالخير من امرنا