اقتباس:
المشاركة الأصلية كتبت بواسطة مهره
عمري ما تكلمت عن أخوي عندك إلا في حدود ضيقة .. لم يكن من ضمنها تعبير عن مشاعر أو إبراز مميزات .. وعمري ما ضمنت كلامي بـ : أخوي حبيبي عمل .. أو أخوي نظر عيني سوا .. أو فديته أخوي قال.
وأساساً عدد المرات اللي أشوفه فيها طول السنة ما يتجاوز عشر مرات بالكثير الكثير .. لأن دوام مدارس العيال ما يخليني أقدر أروح لأهلي متى ما بغيت .. وشغل أخوي ما يخليه يقدر يزورني كثير.
وفي المقابل كنت حريصة جداً على إشعارك ـ قولاً وفعلاً ـ بمدى أهميتك في حياتي .. مدى حبي .. مدى تعلقي .. مدى عدم استغنائي عنك.
ومع ذلك ركبك عفريت لما لقيت صورة أخوي معلقة في زاوية المرآة في غرفة النوم .. مع إني مب أنا اللي حطيتها ولا أنا اللي طلبتها من أخوي أساساً .. بل ابني هو من فعل عندما كنا في زيارة لأهلي آخر مرة .. وقلت لك هالكلام.
مقدرة تماماً أنك حاولت تحتفظ بهدوء أعصابك .. لكنك ظللت تحوم حول هالصورة كل شوي .. وتنتهز أي فرصة أو حتى تخترعها ـ بالمزح ـ حتى توصل لي رسالة مفادها: شيلي الصورة.
وأنا أعاند وأجادل ـ بالمزح ـ وأسألك: أنت شو مشكلتك بالضبط .. وليش الصورة تاعبتك هالكثر؟!
حتى فاض بك الكيل وشلت الصورة بنفسك وبغيت ـ بالمزح ـ ترميها في الزبالة!!!!!!!
عندها أخذت الصورة منك بهدوء .. ووضعتها في درج التسريحة .. ليس من أجلك .. لأنك لم تُفهمني ما هي مشكلتك بالضبط مع الصورة .. ولكن من أجل أخي الذي لا يستحق أن تُرمى صورته في الزبالة.
لهالدرجة الموضوع كبير ويستاهل إنه ينتهي في الزبالة؟!!!!!!!
|
اخوكي على عيني وراسي، واعديه يزورنا يوم من الايام ويتعشى عندنا وارحب فيه وبعد كذا في امان الله.
اما انه يشاركني غرفة نومي!!!! سلامات
ومع انك ماكنتي تذكري سيرته كثير (وبالتالي انتي غير متعلقة فيه ( وان ذكرتيه كثير ياويلك) ) ماقلت لك شيلي الصورة ولا يحزنون، لكن الوضع صعب جداً ، هذه غرفة نوم فاهمة شنو غرفة نوم! ابي اقعد فيها براحتي مع مرتي، ولااريد ان تقع عيناي عليه ولو بالغلط (انا عارف انها صورة) لأنه وقتها سيركبني الف عفريت، فعشان كذا حاولت ادور حل من غير ما تزعلي بس ماقدرت اصرح، تحريم يدي افضل وامن من تحريك لساني، لمحت لكي بأن لااريد تواجدها ولكن قاومتيني (وانا يالله ماسك اعصابي)
ولكن شسوي مب راضيه تفهمين، فقلت خلني اروعك واوهمك اني ارميها بالزبالة عشان تلحقي على نفسك وتشيليها (ولكن والله مااجرؤ اني ارميها بالزبالة والمفترض انك ماتصدقين اني كنت بارميها بالزبالة) ، والحمد لله لحقتي نفسك وشلتي الصورة.
وانا بخصوص انك تمدحيني كل شوي ، طيب! مستكثراها علي!!!
اختي مهرة: اخ واب الزوجة نحترمهم، لكن مانطيق تواجدهم في البيت (لأنهم هم الوحيدين اللي يقدرون يزورون الزوجة في الاوقات غير المخصصة للزيارة!
طيب هذا بيتي وانا راجع من الدوام ابي ارتاح ابي اسولف مع المدام، اقوم القاهم موجودين بالبيت !!!!
وتواجد الصورة اسوأ واسوأ ، انا قلت لزوجتي : اخوكي حبيبك على عيني وراسي، ولكن حطي صورته بشنطتك ، اما في بيتي لا. (مع اني اذكر سمحت لها تفرح فيه كم يوم)
والله اذكر لما كنت ازور اختي ببيتها كنت اشوف الضيقة في عين زوجها وما كنت مستوعب وش السالفه!
لما اتزوجت عرفت السالفة .