اهم نقطة يكررها علي " ما تسمع كلامي"
وسمعي للكلام اني امشي على هواه لو كان غلط
ولما يكتشف انه غلط يرد علي الرد المكرر" لو ما فيه تهور ما فيه تطور"
ابي الناس على كيفي، وهالجملة قالتها امه لي عنه!! وامه اكثر وحدة بالدنيا تعرفه
يتهمني باني قاااسية جداً ، ويقول لانك ربيتي يتيمة والدنيا قست عليك
احياناً بس الحين بطل يقولها يتهمني اني مو ام حنونه، وطول وقتي صراخ على صغاري
عاش بعيد عن اهله 10 سنين عزابي، اي شي اقترحه عليه معناته اني افرض رايي
ولما يكون الشي متعلق باهله معناته اني عدوة وابي افرقه عن اهله
كل تصرفاتي ينطر لها بسوء نية الى ان بكيت يوم وانفجرت عنده، وقلت له اذا انتوا تربيتوا على سواد القلب وسوء النوايا مو شرط كل الناس مثلكم
الاحظ فيهم هالشي بقوة، ما فيه شي عندهم انه النية طيبة
يقول اني ارادده لما يهاوش، وهو لما يعصب يجلس يتكلم 3 ساعات ورا بعض كله كلام شييييين ما ينقال ممكن يوصل لامي واهلي واخواني وعيالهم ويخبص الدنيا ، وبعدها يقول لا تردين ولا تعصبين ولا حتى تمشين وتكلمين نفسك اسكتي خلاص ، خاصة لما يكون غلطان