المشاركة الأصلية كتبت بواسطة Neat Man

مساء القهوة << قاعد يتقهوى

فيه بعض الناس يحطون مع القهوة حليب وزنجبيل ومسمار (عويدي) وهيل وغير كذا، وبعضهم يضيف لها خلطة معينة، وأحس كثر الإضافات فيها يطلعها عن فطرتها

شخصياً أحب تكون قهوة سادة ومعها ربع ملعقة هيل، كثر الهيل مو حلو، ولازم مع القهوة تمر وغالباً تمر سكري، وقليلاً حلا.

أما طريقة تصليحي للقهوة

احط الموية في البتاع له ألف أسم بس حنا نسميه ملقمة، وبعدين لما يطبخ الماء احظ فنجال قهوة أو أقل قليلاً على حسب كمية الماء.
وبعدين أخليها تطبخ 7 دقايق تقريباً، البعض يقول كل ماطولت في النار كل ماكان أفضل، شخصياً أشوف سبع دقايق وافية وكافية ويعجبون فيها كثير من يشربونها << بكرأ بنافس عاشقة القهوة

بعد ماتخلص، قبل ما أصبها في الترمس حق القهوة، احط فيه الترمس ربع ملعقة هيل، واصبها عليه وخلاص جاهزة للتقديم.

أحياناً احبها مع الخلطة


وهذي قهوتي