متل ما سبق وقال الاكثرية خير الامور اوسطها وللصراحة اختي انا اختنقت وقت اتخايلت زوجي يعاملني هيك كل الوقت
مع انو بيساعدني بالبيت وبيعملي مساج بين فترة وفترة وبياخد عني الاطفال وبيعطيني مساحة لنفسي بروح بمشي لوحدي من الساعة للتلات ساعات
بس ما بتخايل يكون متل الظل مرافقني
وانا نفس الشي اوقات بدلعه متل الطفل واقات متل العشيق واوقات متل الصديق واوقات متل الزوج

وبالنسبة للاهتمام بنفسي اوقات قمة الاناقة واوقات كتير عادية اوقات كتير مغرية يعني ما متبعة نفس اللوك دائما
وبالنسبة للطعام اوقات بعمل سفرة طعام ملوكية وشموع واوقات علبة تونة او بيض مقلي وعلى جنبهن بندورة او خيار بس وبياكل هوي ومبسوط
واوقات البيت بيكون غير شكل واوقات ما بعمل شي بالنهار بس بيكون البيت مرتب من قبل بيوم او زوجي اللي بيساعدني يعني متل ما بيقولوا شد وارخي وهالشي بالنسبة لي وجدتها افضل طريقة ما يحمل الشخص فوق طاقته الدلع حلو بس مش دائما لانو بيفقد رونقه وكل شي زاد عن حده نقص بالعكس المفروض يكون في فترات بين الدلع والاهتمام لكسر الروتين وتجديد الحياة وخلق اجواء ما بتشبه حالها
واهم شي وقت يصير في مشاركة رح يحس بكل شي بتقدميله ياه اما وقت يلاقي كل شي مقدم على طبق من فضة ما رح يحس بمجهودك او دلالك لانواتعود ياخد وما يعطي
دائما المفروض بين الزوجين يقدموا لشريك كل شي بحبوا انو يتقدملهن

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه