المشاركة الأصلية كتبت بواسطة زين ابيها

السلام عليكم

بطاقتي الشخصية : عمري 25 ، مطلقة سابقاً متزوجة من معدد حالياً ، ما عندي اولاد ، عندي بكالوريوس حقوق ، محامية سابقاً ، عصبية ، عجولة ، احب كل شيء يمشي بالتخطيط وبالقلم والورقة ، اكره الأمور المفاجئة ، شخصيتي قلقة ، انفعالية وحساسة جداً ، دائمة التفكير ، متقلبة المزاج ، لا اقبل القيود ، فضولية ، بالي قصير ، بسرعه اتدارك اغلاطي واعتذر

( فضلت ان اكتب سلبياتي )

بطاقة زوجي : عمره 40 ، عنده ما جستير ، متزوج وأب لأطفال حلوين وشياطين ، عصبي ، حنون جداً ، يحبني جداً جداً ، عقلاني بطريقة متعبة ، كتوم ، عنده خطط طويلة المدى لخدمة الناس والمجتمع وهو فعلا ماشي فيها من كان عمره 14 سنة ، لطيف ، رزين ، ثقيل دم أحياناً ، له مركز اجتماعي مرموق وله هيبته في المجتمع ، باله قصير


مشكلتي ؟

مو عارفة شلون ابتدي.... أساساً مشاكلي مع زوجي لا ترقى لمستوى الخلافات ، وإنما مشاكل تافهه أو عاديه ولكن تؤرقه وتؤرقني خوف تراكمها..

انه بطبعي فضولية واحب النقاش ، هو عكس ، كتوم في الامور اللي يحس انها ما تعنيني
إذا قلت له فهمني هالامر
أو ليش صار چذي
أو سابقاً قلت چذي شاللي تغير ؟

يجاوبني : تحاسبيني ؟
تحققين معاي ؟
ومو مسموح لي اغير رأيي اذا حسيت ان فيه طريق اصوب من اللي كنت بتخذه ؟


لين امرني بشيء
اقول له ان شاء الله بس ليش تبيني اسوي جذي ؟
يقول لي : وانا ما يصير اقول كلمة وتمشي بدون نقاش ؟؟ ويعصب وينفعل... وأخاف منه

المشكلة ان ما اقدر اسكت!! ما اقدر ما اناقشه! حتى لو سكتت يبان على وجهي الضيق ، يبان علي ان بنفجر!!!!! زين شسوي!!! شلون اتحكم بإنفعالاتي ؟؟

واذا حطيت شيء في بالي صعبة اشيله ، وصعبة اتنازل ، وتصير مشاكل بسبب عدم تنازلي اذا الامر مو مقتنعه به مع ادراكي صحة خيارات زوجي!

ومزاجية فجأة احس بإكتئاب واتضايق وانفعل حتى دون سبب
وهالامر خف الحمدلله بس لازال موجود

اذا رايقة اطير بزوجي للسماء
ومن نتضايق من بعض يخترب كل يوووومنا
كله كله ونتراضى وقت النوم ونقعد الصبح واسأله سؤال او افتح الموضوع مرة ثانية ونتنكد

خايفة ان تتدمر علاقتي به
الرجال يحبني
وانه احبه
وودي ارضيه
بس ما اقدر اسيطر على نفسي


المشكلة االثانية..
زوجي على وشك الطلاق من ام عياله
بينهم مشاكل للسماء الله وكيلكم .. المهم
هي ما تطبخ
ولا تدرس عيالها
ومهمله كل شيء
وانا اطبخ لها ولعيالها
وادرسهم
وووو
مع ذلك تغلط علي ، وتسبني ، ووو الخ
المهم ما علينا ، زوجي بعد فترة بيطلقها حاسم امره ، بس ينتظر يرتب لها مكان في بيت اهلها وبيوديها وبتتطلق...
مسؤولية العيال من الـ أ لـ الـ ي بتكون علي
وانه ما احب القيود
واعرف بتقيد بحركاتي مع زوجي
وبتسلب جزء كبير من حريتي!
وخايفة اظلمهم!
ابي اتغلب على شعوري
قلقة جداً وخايفة ما اتحمل
ابي اتهيأ للمسؤولية الجاية
لأني بسرعه امل خصوصا اذا الشيء قيد حريتي او سلب جزء منها