رد : الفتاة الجميلة والموظفة هي من تتزوج فقط
اقتباس:
المشاركة الأصلية كتبت بواسطة حلم تائة
مارد الجنوب انا بنيت كلامي علي للي صار لي من خطوبات ومن للي يصير من حولي !
ليش منتو فاهمني انة امر فطري وغصب عني ! كل واحدمنكم ببيتة منتهني بعيالة وبيتة ومبسوطين !
علي قولة المثل ما يحس با النار غير واطيها
|
مالج حق يا حلم!! .. أبداً مالج حق!!
وما له داعي تحورين الكلام وتحسسينا إنج أنتي الوحيدة اللي تعيشين هالوضع! .. وإن محد حاسس فيج وكأن كل البنات متزوجات إلا إنتي الوحيدة اللي قاعدة في بيت أهلج!!!
كم مرة قلنا لج إحنا عشنا هالوضع قبلج؟ .. وأنا أولهم .. تذكرين متى تزوجت؟ .. لما صار عمري ثلاثين .. ثلاثين يا حلم.
وكم مرة دخلت لج عضوة لا تزال عايشة هالوضع؟ .. تذكرين طيوف الأمل؟ .. تذكرين كم عمرها؟ .. أكبر منج يا حلم وبكذا سنة.
خلاص يا حلم .. ما دام السالفة فطرة وغصب عنج وحلمج إنج تشوفين عيالج فخذي أي حد يتقدم لج وخلاص .. ولا تدققين في أي عيب وتغاضي عن أي علة فيه! .. ولا تحطين مواضيع تقولين فيها أخاف من الزواج وأخاف من المسؤولية وأخاف من عدم الانسجام! .. المهم تتزوجين وتعفين نفسج ويكون عندج الياهل اللي خاطرج فيه!
__________________
اللهم طِيبَ الأثر .. وحُسْنَ الرحيل.