رد : كيف ازيل هذه الجروح الاخ ابوحكيم/اخي في
اقتباس:
المشاركة الأصلية كتبت بواسطة أبو حكـيم
هل يشك بنواياك أم بسلوكك ؟ مع ذكر أمثله .
لا في نيتي يعني مثلا مره ماصحيت امه للفطور مع اني سويت الفطور وفرشت السفره وانتظرهافي الصاله طلعت صاحيه ومقفله الباب وانا على بالي نايمه ماحبيت ازعجها قلت الين تصحى من نفسها قمت غطيت الفطور ودخلت غرفتي هو كان مداوم دق على امه شكله سالها افطرتي قالت لا قام دق علي وجلس يسبسب فيني الين قال بس ويحسبني متقصده مااحط لامه فطور وجلس يتهدد فيني يحسبني ماابي اسوي فطور ويحسب اني مطنشه امه يعلم الله انه ظلمني انا شفت الباب مقفول احسبها باقي ماصحيت حلفت له ولاصدقني انا طبعا كنت خايفه من تفكيره ليش يفكر فيني بالشكل هذا اصلا الفطور على السفره وجاهز وامه عرفت انه خاصمتي لان وجهي كان باين اني بكيت قالت ماعليك فيه ماسويتي شي غلط يابنتي روحي نامي اذا بتنامين وارتاحي قلت لها لا مافيه شي ماصار شي انا مادقيت عليك لاني احسبك باقي ماصحيتي
كم عدد أطفالك , وهل يعاملهم كلهم بنفس قسوة تعامله مع الولد ؟
اثنين نفس المعامله
هل لا تزال العلاقة الزوجيه منقطعة بينكما , وتعيشان معا كالإخوه ؟
ياخذ مني اللي يبيه ماامنعه
كيف علاقتك بوالدته , ودية أم رسميه ؟
يعني رسميه شوي
هل فكرت بأن تطلبي منها أن تنصح زوجك , لو على الأقل أن يحسن تعامله مع ولده ؟
لا بس هي تشوفني لما يسب فيه كيف تقفل اخلاقي
هل زوجك يعامل ولده بقسوة أمام أهله ؟
|
ايوه السب كله قدام اهله
انا كان ودي ياخذه معه عند الرجال يتعلم سواليف الرجال عشان مايكون كلامه مثل البنات لكن اكتشفت اني بدل مااربي ولدي على شي زين بالعكس يرجع الولد ضاربه ولا مخاصمه والمصيبه انه قدام الناس يعني بالعكس احس اني بااحطم الولد بدل ماافيده صرت مااقول شي اخليه يجلس في البيت ولايخرج منه على الاقل يلعب وهو مبسوط
__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.