ماشاءالله تبارك الله اختي البها الباهية على مدى صبرك وقوة ثباتك وتضحيتك من اجل اطفالك ولجوئك لله تعالى واكيد ربنا كافئك على صبرك وتحملك
وعم قلك هيك لانو انا ما بقدر كون متلك بهالقوة والتحمل والتسامح انا بتحمل كل ظروف ومصاعب الحياة الا الخيانة فكرمال هيك عندك شجاعة للاستمرار ما شاءالله
وسبق وطلبتي اختي رأينا اذا تصرفك كان صح او العكس اكيد بعد عشرين سنة وحب ومودة رح يكون تأثير الخيانة اصعب اضعاف من ازواج ما كان في عشرة عمر وذكريات جميلة كحياتك مع زوجك لذا تخطيكي لهالشي مش سهل او بسيط والالم اكيد رح يكون مضاعف
بس كنت بتمنى منك اختي ومن كل امرأة اذا اتعرضت الخيانة واتاكدت من هالشي وظروفها ما بتسمحلها تنفصل عن زوجها او ما بدها تخسر مملكتها وبدها تحافظ على بيتها واطفالها اقل شي تصارح زوجها وتطلب منو بكل هدوء انو يا ابن الحلال انت فيك عقل وانسان واعي ان ما خفت من رب العالمين ما بقدر اعمل معك شي بس انا كزوجتك وكام اطفالك بخاف على نفسي لاجل اطفالي وما بدي خاطر وانطر ليصيبك شي مرض وتنقلو الي انا مسؤولة عن اطفال امام الله لذا زوجي على راسي وعيني بس علاقة زوجية مستحيل بما انك لقيتها بالحرام كمل وانت حر
هون بتعطي ضربة لزوجها من العيار الثقيل وبنفس الوقت بتضرب عصفورين بحجر واحد بتزرع الوسواس بفكر زوجها وبتفرجيه انو ئديش حقر من نفسه ورخص من جسده ليخاطر بهيك علاقة واهم نقطة بتحسسه ئديش ما عنده خوف وخشية من رب العالمين
بنظري هيدي الطريقة بتخلي الزوج يصحى على نفسه ان كان بدها تصلح زوجها وتكمل معو وتكون سند الو
وبهنيكي اختي البها على نقطة تعاملك مع زوجك على انه بحاجة لعلاج واعتبرتيه مريض وساندتيه وعجبني كمان وقت فقتي على نفسك واعتبرتي انو ما تكون حياتك محورها الرجل بس راجعتي نفسك واعرفتي وين غلطتي ووين ضعفتي وصقلتي شخصيتك وحطيتي هدف براسك وما استسلمتي لوصلتي لهدفك واستعدتي زوجك اللي كان قبل الخيانة وحافظتي على تماسك اسرتك
متابعة بانتظار المستجات اللي طرأت
ولي عودة باذن الله
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه