رد : استهتار واستنقاص الناس لتصرفاتي
اقتباس:
المشاركة الأصلية كتبت بواسطة بنت الكرام
امممم من طريقة سردك للمواقف أحس المشكلة تحتمل أكثر من سبب
أولاً : المجتمع المحيط فيك مسيء للظن و يحاول يوقعك في دائرة ان الكل يتقصدك - و من الواضح انه بحسن نية - و للأسف وقعتي بالفخ و صدقتيهم
ليش اقولك من الواضح بحسن نية
لاني مريت بموقفك مليون مليون مرة مع مجتمعي
وليش اقولك وقعتي بالفخ
لاني شخصياً ما سمحت لنظرتهم انها تتغلغل بداخلي و أؤمن فيها
طيب السبب الثاني من اسباب المشكلة :
طريقة تعاطيك مع المواقف أصلاً خطأ
و أحس انك تفتقدين للذكاء الإجتماعي
و تتوقعين القوة بالرد السريع او الصراخ ..
او النظرات
اول شي عشان تضمنين ان محد يتجرأ عليك
اصلحي ما بينك و بين الله .. تجنبي ذنوب الخلوات
استغفري كثير
ادعي الله ( اللهم لا تسلط علي بذنوبي )
انا عن نفسي محدثتك اول ما اذنب ذنب
ألقى أثره على طول بتعامل المحيطين معاي
و اول ما اصلح ما بيني وبين الله نفس الشي ألقاها فوراً
ثانياً : كوني لك قاعدة قوية
يعني مثلا تعاملك مع الخادمة كان من أساسه خطأ
ان مابينك وبينها الا هالرسمية الشديدة
هي اللي خلاها تنفر منك لما وجهتيلها أمر معين
خلي بينك وبين الناس حاجز - لو حابة هالشي و بالعكس أأيدك ـ
بس غلفي هالحاجز باللطافة و الإبتسامات و المصافحة باليد
و السوالف الخفيفة العامة
بكذا راح تكون فيه مودة تقضي على شعور النفور اللي فيهم
اخيراً : لو فرضاً أحد غلط بحقك أو تجرأ عليك
ف مو من الصحيح او القوة انك تردين الهجوم بهجوم مماثل او اعلى
بالعكس هذا راح يستعدي عليك الناس اكثر
انا مثلا لما ألقى قط كلام او سماجة من احد
يكون ردي بالصمت مع النظرات العادية اللي بلا معنى لوجه الشخص
يعني اعطيه الوجه اللي بلا ملامح زي كذا : |
هالطريقة محرجة جدا و بسيطة و مؤلمة للي قدامك و تحسسه انه تافه
وقد لاحظتها كثير بالإدارة العليا يتعاملون بهالأسلوب
لما يتعرضون لنقد بايخ او كلام من شخص سفيه
ما تلاقينهم يتلاسنون
على طول الوجه اللي بلا تعابير او ملامح يفي بالغرض
طيب لو تلقيتي نظرات من أحد و خز ؟
هنا ابتسمتي للشخص من قلبك ( و غلبي جانب حسن الظن )
و صافحيه و قولي حبيبتي لاحظت انك تناظريني كثير يمكنك مشبهه
انا دايم اسوي كذا
او مرات فقط اكتفي بإبتسامة من قلب ( انو انا لاحظتك و احمل لك كل مودة
مهما كان اللي تحملينه لي )
الأمر الأخير لو احد مثلا سكب عليك عصير او او
بادري بالتسامح وحسن الظن قولي ياعمري اكيد انك مو منتبهه ..
احرجي اللي قدامك بحسن اخلاقك و تسامحك و ادبك
هذا هو اقوى علاج لكل النفوس ..
|
ماعندي أي كلام بعد كلامك بنت الكرام ...
وانا شخصياً رح استفيد من نصيحتك ..
بس حابة اقول لأختي صاحبة الموضوع .. لا تلتفتين لأي أحد يقولك شوفي فلانة تناظرك
او هذي حاقدة عليك ..
مع احترامي احس المشكلة في اللي حولك .. دايماً ينبهونك على شي في الغالب
مايكون موجود اصلاً ..
وإن وجد فمستحيل صاحبة يعترف ...!
يعني أختي وش راح تظرك فية نظراتها طنشيها وطنشي كلام اللي حولك بعد ..
وحدة تتكلم معك وتنغز في الكلام وانتي اول مرة تقعدين معها ... !
مدري ماودي ادخل في نيات الناس .. بس كان من الأولى إنك تقومين وتخلينها ..
دايماً اختي ترفعي عن هالمواقف والجدال اللي ماله معنى ،،
واحسني الظن مثل ماقالت اختي بنت الكرام ..
على فكرة في بعض الناس كذا اسلوبهم دفش وجافين في الكلام بس مو معناتة حاقدين
ودي اذكر لك مواقف تحصل معي عشان بس ماتشكين إن فيك شي ..
وإن الناس بجميع مستوياتهم وتمايزهم واختلافهم يتفقون في هالشي ،،
إلا مايجي الواحد مواقف او شخص بحياتة يأذية هذا حال الدنيا 
والحمدلله كلما قوت صلة الإنسان بربة .. كلما كان تأثير الناس أقل علية ..
بالتوفيق حبيبتي .
__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة 