اقتباس:
المشاركة الأصلية كتبت بواسطة Vanity
ماني بصدد الكلام عن الواجبات والتضحيات.. انا اتكلم عن شي ماراح يعود عليها باي فائدة دنيوية الا اجر من ربي باذنه تعالى.. وممكن ياخذ جزء كبير من وقتها وجهدها وعافيتها وحياتها واهتماماتها وحتى اولوياتك عليها كزوجة.. وبالنهاية مافي اي رباط غريزي او بيولوجي ولا علاقة غير انهم عيال زوجها.. بمجرد ماتنفصل عنها علاقتها فيهم بتنتهي!
يعني ماراح يشيلونها لما تكبر ولاهم صارفين عليها وقد يذكرونها بالشر مهما احسنت لان وضعها حساس "زوجة اب" واي زلة قد تنحسب عليها وتحبط عملها بعيونك وبعيون قرايبك ومن لهم صلة بالاطفال
الموضوع مو بالسهولة اللي انت متخيلها اخوي.. واللي يقول في حريم ربوا وسووا.. كانهم يتكلمون عن الحريم اللي يشيلون ضرايرهم.. ما اقولك نوادر بس قليل
اتوقع اذا كفت اذاها عنهم وعاملتهم باحترام هذا يكفي وجزاها ربي الف خير
يعني الوحدة لما تجي تتزوج مطلق بدون عيال تخاف.. يقولون مطلق بعيال ويحاول يثبت انهم ماراح يتداخلون معاها برضو تخاف! هالكيف مطلق بعيال يطلب "بيبي سيتر" لعياله..< الناس نظرتها كذا
|
ومن يقول انها ماراح تستفيد دنيوياً
اذا كانت رحومه على عيالي اكيد ان قدرها راح يكون عالي عندي
مثل اذكر واحد من جماعتنا عنده امه الله يرحمها توفت قبل سنتين
امه كبيره بالسن الى درجة انها ماتتحكم بنفسها فـ كانت زوجته حتى الغيار تغير لها وتنظفها وقايمه فيها من الى
وماتتعشى ولاتاكل الا بعد ماالعجوز تاكل
الين توفت العجوز فـ سبحان الله زوجته ماتحمل وحللوا وطلع ان المشكله منها فـ كل الناس يقولون يافلان تزوج وهو يقو لا لايمكن اغث فلانه بعد سواتها بامي وصابر
الشاهد ان الانسان اللي عنده دم اكيد يقدر المعروف ويقدر اللي تحترم وترحم وتعطف عياله او والديه لانه يدري انها تسوي هالشي للاجر اولا ولرضاه ثانياً
ولو قدر الله وتزوجت انسان عندها ولد اكيد اني راح احرص اني اكون له الاب واحسن معاملته بغض النظر انه واجب علي والا لا
اما قولتك انهم ماراح يحسنوا لها اذا كبروا فـ اذا الله اصلحهم ماراح ينسون
الام هي اللي تربي مو اللي تولد وبس