رد : كل من تعرضت للخيانة تدخل هنا
اقتباس:
المشاركة الأصلية كتبت بواسطة واثقه جدا
انا زوجي منتهي على الآخر. ..هو اللي يدوورهن
تصدقون أن اللي يطلعن معه متزوجات وعندهن عيال وبنات
والمصيبة لمن خذيت أرقامهن بشوف توبيكاتهن
تدرون وش عنه كاتبات. .صور عيالهن .ويكتبن
ربي أحفظهم وجعلهم قرة عين لي. .
وحده كاتبه ربي أحفظهم من كل سوء. واللي تسويق
مو سوء. .الله لايبلانا. .ووحده منهن حاطه صورة زوجها
مع هديه. .وكاتبه حبيبي أبو فلان لك كل الحب والوفاء ياأجمل
أقداري. .أي وفاء ياماما. .وانتي بحضن زوجي
تخونين ربك وأهلك وزوجك وضناك. .لاحول ولاقوة إلا بالله. .
|
من جدك تتكلمين واثقة ورب البيت صدعت فوق ماانا تعبانة .. شالنفاق أعوذ بالله شهالبشر الي حنا عايشين معهم طيب ليه ؟ مالهن أعذاااار أبد الخيانة والكذب أقبح صفتين لاأجد لهن مبررات أبدا .. وين راحت مبادئهم وأخلاقهم أكيد كان عندهم أخلاق وين راحت وقبل ذا كله دينهم وينه صلاتهن أذكارهن عبادتهن كيف يدعن ويرجن الأجابة يارب رحمتك ..
طيب ماعندهن ضمير مايخليهن ينامن كيف تقدر تنام وتاكل من خير زوجها وتطعنه في ظهره حرااام طيب والدتها وابوها وأخوانه وخواته وأولاده كل هذولا ولا شي عنده هانوعليها والا مابعد ربي شي ..
شي يقهررر لكن ماأقول إلا الله يهديهن ويتوبن توبة نصوح وإلا ياخذهن ومن على شاكلتهن
اقتباس:
المشاركة الأصلية كتبت بواسطة الـــوحيد
قبل البارح جتني رساله غراميه من رقم مااعرفه تقريبا الساعه وحده بالليل
مارديت خمس دقايق وجتني رساله ثانيه نفس الرقم
بحثت عنه بـ نمبر بوك طلع لجارتنا اللي سبق وانها كانت ترسلي زمان وحاذر رقمها على الواتس
قلت لو سمحتي فكيني شرك وعيب انتي انسانه متزوجه وعندك عيال عيب عليك
قالت مبروك الطلاق!! مدري ايش دراها وانا احبك ومن هالكلام وفلان تقصد زوجها ابوعيالي بس لكن انت حبيبي ولو ادري انك تتزوجني والله اني اطلب الطلاق اليوم !!!!
المهم مارديت وتركتها
وهاتك رسايل كل شوي غراميات
مع ان زوجها رجال طيب واخلاق حلوه وبشوش والصلاة ماتفوته وشكله مقبول يعني مالها عذر
لكن سبحان الله الخيانه طبع ببعض الاوادم
|
أستاذ وحيد لو كنت مكان جارك ماذا كنت تتمنى ؟
أنا عن نفسي دائمآ أعمل بمبدأ قوله عليه الصلاة والسلام (لايؤمن أحدكم حتى يحب لأخيه مايحب لنفسه ) وعلى هالأساس أتعامل مع البشر ..جارة كهذه تدعوك لعلاقة محرمة هل ستتوانى عن غيرك أذا دق بابها ؟
من الظلم أن يعيش زوجها مخدوع مع زوجة لم تحفظه في حضوره فضلآ عن غيابه
مثلها لاتؤتمن حتى على تربية أولادها هداها الله وردها له ردآ جميلآ .
سبحانك اللهم وبحمدك أشهد أن لاإله إلا أنت أستغفرك وأتوب إليك