رد : انفجاري كاد ان يخرب بيتي
بالامس كنت مستلقية بجوار زوجي وكان زوجي يقرا بالواتس فبدات اقرا معه واقول له خلني اشوف الاسماء في الواتس ولكني لم الاحظ شيء فخرجت من الواتس وكنت بفتح على المكالمات والرسائل فسحب الجوال من يدي بسرعة وقفله قلت له ليش قفلته اكيد فيه شيء والا ماكنت سحبته بسرعة وقفلته وبعدها سحبت نفسي من عنده ونفسي مكسورة جدا ومتالمة كل مابديت اتعافى من خيانة انصدم بخيانة جديدة ...
المهم ارسلت له على الواتس لو انت فعلا صادق ان جوالك مافيه شيء ماكنت سحبته وقفلته كان خليتني اشوفه لكن الايتذوق الحرام يستلذ بطعمه ولايقدر يتركه دام الخيانة تجري بدمه لكن لي طلب عندك وحلفتك وسالتك بالله ان كنت مستمر على الخيانة فلاتتقرب مني نهائيا ولاتتكلم علية وفعلا ماعد تكلم ولاتقرب مني وارسلت له كمان انك المرة هذة خسرتني بالفعل وروح تزوج واطعم الحلال واترك الحرام وانا بكون مع اولادي ومارد علية ولاصار شيء بعدها حتى اليوم بعد صلاة العشاء كان يذاكر لولدي وضربه على راسه فقلت له كسر لان ولدي يخاف من الضرب ولايقدر يركز ويتشتت مع الضرب قال يكسر عظامك كلها ولدي من الخوف تخبى فقام ابوه يضربه بسلك الشاحن فقمت اناظر فيه بنظرات غضب ربما هو شافها نظرات استحقار قال عمى قلت يعمي عيونك ورجع يذاكر لولدي ويضربه فقلت لولدي تعال عندي انا اذاكر لك فقام ابوه رمى الكتب على صدري بقوة فقمت رميتها عليه ورجع رمها علية ورجعت رميتها عليه ورجع رمها علية قلت له يجعل يدك السرطان مو عيالك انا ترمي الكتب علية قال ينتشر بجمسك ان شاءالله ..
فقام يقول اصلن جوالي مافيه شيء قلت له الا فيه والا ليش قفلته قال كله سلام وكلام وكيف الحال قلت لاوالله الا فيه مصايب قريتها في خيانتك الثانية كلام استحي اقوله ينقال بين الزوجين انكر قلت له وليش وقتها اعترفت سكت مارد وقام رمى الجواله حقه في الحائط قلت له لو ترميه وتحذفه الخيانة تجري بدمك ماراح تبطل وجعلك الايدز لو استمريت بالخيانة قال بجسمك ان شاءالله قلت له الحمدلله منا خايفة لاني طاهرة عفيفة فقام اخذ جواله ورماه علية وانا رميته على الحائط فقام اخذ جواله الثاني ورماه على الحائط واسحبت نفسي من عنده وارسلت له اسال الله ان ينزع كل ذرة حب من قلبي ويحوله كره رد عليه قال ليش ترسليه لي روحي على السجادة قلت له مزاج وروح تزوج وجرب الحلال واخذت الساعة الا اهديته اياها واعطيت ولدي الكبير وقلت له ماتستحقها وجلست اذاكر لولدي ولما انتهيت دخلت غرفة النوم فقام قفل الباب بالمفتاح وحاول يتحرش ويتقرب فيني لكني صديته وقلت له تعوذ من الشيطان وابعد عني وابتعد ..
( ملاحظة ) طبعا الاسبوع الماضي لقيت في جواله رقم بدون اسم وادخلته في الدليل السعودي طلع رقم حرمة كوفيرة من نفس المدينة الا انا فيها ..
الان نفسيتي زفت ونفسية ولدي زفت وعايش في خوف ورعب من الا صار راح يبكي عند اخوه الكبير ويقول انا السبب خليتهم يتضاربون والله ماكنت اتوقع تصل بيننا كذا اول مرة في حياتي تصل كذا خلاص تعبت من الكبت ماقدر افضفض لاحد ولا احب احد يعرف عن زوجي اي صفة سيئة عنه ولااحب اشوه صورته امام اهلي
حاولت ان ابكي ولكني لم استطيع اريد ان افرغ مافي نفسي ولكن الدموع رافضة النزول
ماذا افعل الان هل استمر على صدي له
عدم الكلام والاكل معه
عدم مسامحته
اتمنى ان يزول حبه من قلبي ويتحول الى كره حتى اتجاوز الصدمات