المشاركة الأصلية كتبت بواسطة mimomea

ما بعرف شو بدي قلكن بس بدعي ربي يصبركن ويعوضكن ويسخر لكن ازواجكن
بستغرب شو هوي الموجود عند العشيقة مش موجود عند الزوجة
بس هيك نوعيه من الرجال لازم الزوجة تكون اذكى منو بكتير ما تحسسه انو مهتمة فيه اكتر من اهتمامه فيها وما تعطيه الامان انو مرتك بالبيت مسكر عليها بالشمع الاحمر
لازم تلعب دور الزوجة ودور العشيقة بنفس الوقت وكل وقتو الو شي تخليه يشوفها بكذا شخصيه وتضرب عالوتر الحساس وتحسسه انو ما عم يكفيها خلي همو ان يبذل كل طاقته لزوجته
لازم تخليه وقت يكون خارج البيت كل تفكيره فيها بغرفة النوم امراة ما بتشبه المراة باي مكان بالبيت خارج غرفة النوم
لازم ما يحس انو ضامنها لازم يضل يسعى ليكسبها وعطول يحس انو هوي مش كل حياتها ويجاهد ليصير كل حياتها وهيي وشطارتها هيك نوعيه من الرجال لازم يكون الشريك اقوى واذكى منهم
وتعرف المراة ايمتا تعامله كطفل وايمتا كرجل وايمتا كعشيق وتخليه يضل محتار بشخصيتها وكأنها شيفرة ورموز صعب حلها وفكها خليها تكون حمل وديع وبنفس الوقت اسد
احترامي