سلامة بنتك ... طمنينا عليها
.........
قلت لك قبل ... قلبي يعورني لين اقرا موضوعك مع زوجك
وما ودي ادخل مواضيعك لاني اعيش الدور بالكامل
بس ما قدرت ما ادخل .. وما قدرت ما اعلق للاسف
.....
سؤال مهرة :
معقولة المسألة مسألة حب ؟!
لو زوجك عدل بينك وبين زوجتك واعطاك اقصى درجات الهيام والعشق والمحبة !!
بتكتفي ؟!
صدقيني لااا .. بتقولي حزتها يلعب علي ويقولها نفس الكلااام
انتي في دوامة اللي تعيشها كل زوجة اولى للاسف
عدم ثقة .. وتساؤلات حول مكانتها عند زوجها ونظرة مجتمعها ( اهل زوجك )
ودائما الحل في حالة الزوجة الاولى هو عامل الوقت
مع الوقتت تتعود وتنسى ويقل اهتمامها بالرجل
انتي مشكلتك سنتين وللحين ما تعودتي والا استسلمتي
نفسك طووووويل ... طموحة .. وما تستسلمي بسرعة ..
ما ودي اناقش مسألة حب زوجك لك و اسلوبك معااه .. يتهيأ لي اكتفيتي
الحل في حالتك :
الانفصال المؤقت بأي طريقة كانت
عيشي التجربة وخله يعيشها
عيشي الواقع المر !!
مدى مقدرتك على الفراق
تأثيره على ابنائك ..
على نفسيتك ..
سامحيني مهرة ... بس لازم اقولها لك
انتي اضعف من انك تتركيه ..
طبعا انا ما اشجعك على الانفصال نهائيا ..
ولكن اشجعك على الرضا بالقليل والقناعة بالموجود ..
....
الانفصال المؤقت مفيد لزوجك ايضا
عشان يصحى من الغفلة اللي اهو فيها
وانه ممكن في ليلة وضحاها يخسر اسرته من اجل هالتفاهات اللي عايشها ..
....
مهرة سامحيني بس لازم اقولك لاني احبك والله واحب لك الخير
كل شخص في العالم هو اللي يفرض احترامه امام الاخرين باحترامه لنفسه
ان احترمها احترموه
في ناس يشوفون احترام الشخص لنفسه بطيبته واخلاقه فيحترموه مثلك انتي واهل زوجك
وفي ناس يشوفون احترام الشخص بحزمه وقوته وله حقوق مثل ما عليه واجبات وهاي الشي اللي ما شافه زوجك فيك
الله يوفقك وييسر امرك ويفك كربتك

__________________