تعالي هنا!

ايشلي ما حلبس وما حتكلم وما وما وما!!
اجل صرتي زي اللي يبني بيت المكعبات ولما مكعب عصلق معاه
قام كسر وهدم باقي المكعبات اللي بناها بجهده واخذت مسافه من وقته

يا بنت البسي وتزبرقي وتدندشي
اش رح تاخذي من الدنيا اذا ما بسطي نفسك وزوجك

بالله منجدك تدخلي عليه بلبس شافه قبل كذا!!لا لا لا
طبعا تغيير الجوهر اهم من تغيير المظهر
لكن لعين زوجك حقها بعد هذي المده من الجفا والزعل
اجل كيف بتخلينه يعتذر منك اذا ما كنتي بشكل مغري يسحب الكلام من فمه سحب

تعوذي من الشيطان
زوجك جامد وثقيل ولا تقولي وانا زيه بثقل راعي كبر سنه عنك
لازم يثقل شوي عشان مركب حياته معك يمشي
بالله اش جابره يكمل حياته معك الا حبه لك..؟

ارحميه وليني معه عشان يرحمك ويلين ترى الرجل اذا شاف راس الحرمه حجر
عضلاته تغريه يكسره😡
واذا شافها لينه وهذا مو ضعف بيلين في تعامله😊

منفرده
احسك تفتقدي روح الدعابه.. وبك من الجدية ما يثقل كاهلك ف رفقا بنفسك وزوجك💗

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..