السلام عليكم

عندي صديق عزيز يستغل خجلي وحيائي لصالحه مما يزعجني
حاولت المح له واصرح بعض الاحيان بالاشياء اللي ما تعجبني يستعبط ويكررها !!

راح اعطي مثال للتوضيح مثلا عندي مزرعه خاصه فيني وانا دقيق في اختيار منو يجيني لان المكان خاص وعالمي اللي ارتاح فيه بس هالصديق يستعبط ويعزم اصدقاؤه اللي معرفتي فيهم سطحيه فما اخذ راحتي بمكاني
اصدقائي اعزمهم فقط في المناسبات لان هالمكان خاص لراحتي وممارسة هواياتي وهالصديق يحرجني مع اصدقاؤه ! مو معقوله كله اجاملهم وانا جاي اصلا ارتاح
بس المصيبه لو نطرح الموضوع بشكل عام راح يطلع هو بالوجه الطيب وانا اللي ما فيني خير وما ابي استقبل احد في محلي !! بس الواقع غير
فان شكينا مشكله وان سكتنا قهر
هذا مثال لبعض تصرفات صديقي
واللي يدبل الكبد انه يفهم بس يستعبط ويسوي نفسه ما يفهم

مرات افكر اكيشه بالوجه وهو ما ينفع معاه الا الكاش بس اتردد

وان شكيت للربع بطلع انا بالشينه