المشاركة الأصلية كتبت بواسطة الـــوحيد

اختي نصيحتي لك من شقين
اولا ابتعدي عن الجدال كما قال صلى الله عليه وسلم أنا زعيم ببيت في ربض الجنة لمن ترك المراء وإن كان محقا
دايم لاتاخذين النقاش انه هزيمه وانتصار لانك راح تخسري ناس كثير اذا هذا نهجك
قولي رأيك وبس
خاصه اذا الشخص اللي قدامك من النوع اللي يبي رأيه هو الصح اعطيه جوه طالما انك قلتي رأيك وبرهنتي صحت رأيك حتى لو عاند هو بداخله يدري انك صح وراح ياخذ برايك لو مابين لك

الموضوع الثاني
انتبهي من انك تتجاهلي زوجك وقولتك يرضى لحاله
هذا الشي هو اللي خرب بيوت كثيره
لان موت الرجال التطنيش ومره ورى مره راح يقسى قلبه وراح يزول حبه لك لانه عود على بعدك وعدم اهتمامك بزعله
يااختي مايضر اذا جيتي له بصحن حلا وقهوه وجلستي عنده وسولفتي كم سالفه ولاكأن شي حصل راح يذوب كل الخلاف وينسى الموضوع هذا فيه حالة انك ماتحبي تعتذري بشكل مباشر
اما انك تعاندي وتطنشيه وهو يعاند ويطنش ماراح يمشي الوضع

هذي نصيحة اخ