الشخص مسؤول عما يقول ومايشرح وليس عن فهم الاخرين..

احيانا مافي غلط وصح.. بس اختلاف الشخصيات سبب برضو.. بنت حساسة وبنت شوي دفشة "بدون وقاحة" رمت الدفشة تعليق عادي على الحساسة.. والحساسة زعلت

ماتقدرين تلومين ولا وحدة فيهم.. بس الفرق ان الدفشة شايفته عادي ومشت حياتها.. والحساسة "كحساسة تقليدية" بتاكل بنفسها وقالت لي وليش قالت لي وكيف..الخ

ومن رايي انا خطا كبير انه يبني مبادئه واي شي يفعله على ردود افعال..

مثلا لما اسوي خير.. اسويه لاني اشوفه صح.. مو لاني استنى مقابل او رد معروف ولا لان الشخص هذا كويس معاي.. ولا امنع عن شخص خير لانه سيئ معاي.. وبالمقابل اسطح علاقتي فيه ولا اقطعها مرة وحدة.. هالنقطة انجاز بالنسبة لي ان مالهم مدخل علي.. وبحضرتي يبتسمون ويتميلحون.. الذوق محرج مع بعض الحالات اللي ممكن تستحي على دمها..

في اذى يجي مع سبق الاصرار والترصد ويدل على نفس مو نظيفة.. ما اتكلم عن الافعال العادية اللي ممكن يتاثر فيها بعض الناس حسب نفسياتهم وتقبلهم.. لا

اقصد الاذى اللي فيه تشفي واحيانا شماتة وما الى ذلك.. هذول مالهم حل الا الابتعاد واحيانا قطع العلاقة كليا.. ببساطة لانهم مايلزموني ولاهم داخلين دائرتي الشخصية.. فراح يفارقون بفرصة قريبة..

احنا مو بصدد نحاكم الناس.. لانهم اجناس مختلفة واللي يبسطك قد يضايقني.. والحلول اللي قد تطرحينها مثلا قد لاتناسبني وتناسب شخص ثاني.. والعكس..

ولاراح تكممين افواههم لانهم مايناسبونك ومختلفين عنك..

فنبي بس نشتغل على طريقة استقبالنا وكيف نحصن نفسنا من ردات فعلنا اللي تعورنا بسبب تحسسنا من بعض الامور.. طولت عليك

وسلامة عمرك ❤️