اقتباس:
المشاركة الأصلية كتبت بواسطة مدن السلام
هههههههههههههه منهي فانيتي 
في الحياة الزوجية انا المراقبة الوحيدة
لكن لا تهتمين يا عسل طالما ردودك مو مخالفة
اساسا يحصل ان العضو المتفهم والكويس بدون قصد منه يدخل نقاش جانبي مايخدم الموضوع
فنقوم حنا نحذف مشاركاته يعني الحذف والتعديل تقريبا يطال الكل
الحين نجي لتخصصي
صحيح تخصصي ترجمة
اول السنوات اشتغلت مترجمة لكن طبعا ما استمريت
مستحيل اجلس طول عمري مترجمة ! لقيت نفسي اكثر بالموارد البشرية
مجال وااااااااااااسع وعميق ومتخصص وجميل
هاليومين كملت كورس اساسي يضيف للسي في حقتي كثير
والله يسهل
ترى كنت اشتغل بقسم طبي فانيتي فاعرف عن التدريب وبرامجه
قدامك سنة ان شالله تكونين رسيتي فيها على التخصص الي تبينه بعدين
بقول لك سالفة دكتورة عندنا كانت رزدنت بطب الاطفال
يوم خلصت ودخلت الفيلوشب اختارت adolescent medicine
راحت امريكا بعثة على حساب المستشفى المفروض تخلص هناك سنتين مدري ثلاث سنوات
ما كملت كم شهر الا هي راجعة !
اشوف تقييمها من الاستاذة الي هناك كاتبين : ماتعرف تتعامل مع حالات الانحراف الجنسي وكذا
حسيتها تورطت
اختارت تخصص واضح انها ما تجهزت له كويس لان امريكا تعمقو بتخصص الاضطرابات الجنسية وكذا
بينما حنا اقل تطور بهالمجال
فيوم رجعت ماقدرو حتى يحطون لها شاغر وظيفي وانا وقتها استقلت ولا ادري وش صار عليها
الله يسهل امورها يا رب
المهم فانيتي انتبهي لاختيار التخصص كويس |
المشكلة العويصة اننا نحتاج هالتخصصات بشكل..
اكيد حاطة بحسباني التخصصات ومناسبتها من كل النواحي.. واهلي مو سهلين بعد..
تدرين اني ارجع متازمة للبيت من الحريم ومشاكلهم؟ تعقدت من الرجال 😂😂😂
وضعفهم جدا مستفز.. تجيك بالعة كل الحبوب اللي ببيتهم عشان زوجها خانها..
والممرضات يهاوشون.. تبين غسيل معدة؟ ولا بصمي انك متنازلة وتوكلي.. وماهي يمهم 😶
الحرمة تعبانة نفسيا ليش كذا؟.. لازم تاهيل للحاجات النفسية! يمكن تتراجع طيب!
الموارد البشرية قد تحصلين ماستر بجامعة اهلية.. وفي تخصصات حلوة برضو
واذا لقيتي بعثة فالطريق والوقت اقصر اعتقد..