حبيبتي ب نلتقي

عورني قلبي كثير لما قريت موضوعك واحترت وش أكتب لك من رد

طبعا ردة الفعل الأولى اللي جتني لما قريت موضوعك: زعلت عليك وقلت كيف هانت عليك نفسك تحكمين عليها كل هالسنوات بالألم والأمل في رجعة شخص هو خلاص تزوج وشاف حياته وكنت بنصحك مثل باقي الأعضاء انك تنسينه وتحاولين تكرهين نفسك فيك <<< حيلة نفسية أستخدمها اذا بغيت أكره شخص وأطلعه من حياتي وهي أني أركز على سلبياته وأنسى أو أتناسى ايجابياته.. وكنت بعاتبك وأقول ترا سنتين مش كفيله بأنها تخليك تتعلقين بانسان كل هذا التعلق

لكن.. الحين غيرت رأيي وبديت أنظر للموضوع من منظورك انتي مش من منظوري أنا وبديت أحس فيكي

هذا اقتباس لأحد ردودك في الموضوع

فعلا.. القلب والمشاعر مايقدر الانسان يتحكم فيها.. واذا شخص ماشفتي منه إلا كل حب وخير ماتقدرين تكرهينه ولاحتى تنسينه

أنا في حياتي مر علي أشخاص كان لهم تأثير ايجابي في حياتي من معلمات وزميلات غمروني بالحب والطيبة والتعامل الراقي.. صراحه عجزت أنساهم رغم مرور السنوات.. فما بالك لو كان هذا الشخص زوجي !!! الزوج الطيب المحب من باب أولى ما يتنسى خصوصا اذا الفراق كان غصبا عنكم مو قراركم انتم

صراحه أهنيك في رفضك للزواج لعلمك أنك راح تظلمين ولد الناس اللي راح يتقدم لك.. وطالما تحسين ان قلبك مازال متعلق في طليقك وبالك معاه.. لا تتزوجين خصوصا انك راضيه بحياتك كذا

مو غلط انك تعيشين على حب شخص وذكريات حلوه معاه إذا انتي شايفه ان هالشي يسعدك ويريحك

لكن.. حزنت على بنتك لأن واضح انها عايشه هي بعد على أمل انكم ترجعون والدليل لما قالت لك ان والدها تعطر بعطرك وقت ماكان يحسبها نايمه

ما ادري وش أقولك.. لكن ادعي ان ربي يفرجها عليكي ويجمعك بطليقك إذا كان هذا الشي فيه خير لك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا