رد : زوجة أبي تعبث بما املكه
اقتباس:
المشاركة الأصلية كتبت بواسطة ضما ناسي
مهرة
كفيتي ووفيتي.. طبطبي على الدخيلة زوجة الوالد واستهيني في كل شي يتعلق بالوالدة رحمه الله عليها... كثر مايسدج
بس انج تضنين محاولة الانتحار كانت ترويع للوالد ف هذي بقولج غلطانة وألف مرة...
كل الشكر لج ولتعاونج ولكل نقطةوردتيها ضمن ردج
|
أنا ما أعرف الحرمة عشان أطبطب عليها أو حتى أهاجمها .. وانتي نفسج ما قلتي شي مفيد يوضح بالضبط إن كانت الحرمة زينة والا شينة .. الله يستر عليها وعلينا جميعاً.
ولا استهنت بالوالدة الله يرحمها وكلامي واضح تماماً.
بس انتي اللي تتجاهلين نقاط أساسية وتظلين تلفين وتدورين حول نقطة معينة هي بس اللي هامتج وتعنيج!
طيب خلينا نرجع لعنوانج اللي انتي كتبتيه بنفسج: (زوجة أبي تعبث بما أملكه)
أنا سألتج قبل وما جاوبتيني: شو هو الشي اللي تملكينه؟ .. حددي.
وزوجة أبوج في شو تعبثت بالضبط؟ .. بالتفصيل رجاءً .. لأني لما رجعت لمواضيعج السابقة تذكرت انج قلتي انج تبرعتي باغراض الوالدة الله يرحمها للهلال الأحمر .. وذهبها كله عندج وكنتي بعدج تفكرين شو بتسوين فيه .. فشو اللي باقي في بيتكم يخص الوالدة وزوجة ابوج تعبثت فيه .. وكان المفروض ترجع وتشاورج قبل ما تتعبث فيه؟!!
ما عليج من مهرة شو تقول .. لأن كلامها مب مقدس .. ومب مهم هي تبا تطبطب على منو وتبا تقسى على منو .. انتي حطيتي موضوعج جدام الكل .. وأظن من حقهم يفهمون التفاصيل إذا فعلاً تبين حد يفيدج .. فيا ليت تردين على قد السؤال بدون الكلام المطاطي العام.
__________________
اللهم طِيبَ الأثر .. وحُسْنَ الرحيل.