المشاركة الأصلية كتبت بواسطة تحملتك كفاية

والله عالم الحريم انا ماعرفه ولاادري ان كله تخبيب بتخبيب

زوجتي بتتأدب ان شاء الله خصوصاً انها فقدت أشياء كثيره كانت موفره لها اول

وصديقتها عاد الله يتولاها والله حسيبها عندي شغل وماني فاضي لمرمطة المحاكم والشرطة

توها تكلمني واتس اب

وطلبت زود مصروف للعيال رفضت وقلت هذا يكفي واكثر من كافي

قالت بشتري لهم ملابس قلت انا اخذهم واشتري لهم اذا انتي بتشترين شئ عاجبك اشتريه انتي من جيبك

قالت اذا وصلت الخدامه عساها بتقعد معاك الحالها بالبيت قلت ابشرك بتنازل عنها وبيعطوني فوق الاستقدام 4 آلاف ريال وبحطها عند اهلي الى ما اخلص التنازل

قالت ابوي مايقدر يودي العيال كل يوم هذي مسؤوليتك ارسل السواق قلت ابشرك كلمت المدرسه ووافقوا يدخلونهم بحركة نقل الباصات لان فيه ولدين بنفس حي اهلك اصلا ما بقى الا شهر تقريباً ويعطلون تبين الباص يجي ياخذهم او تتكفلون فيهم تودونهم ؟؟؟ قالت لا خل الباص ياخذهم قلت اوكي

قالت واخرتها معك ؟ قلت ما ادري اسألي فلانه وش نسوي وننتظر تعليماتها الكريمه بهالخصوص

قالت الحمدلله والشكر مريض انت قلت الحمدلله مافيني الا العافيه اذا تبين شئ للعيال كلميني غير كذا لاتفتحين معي اي موضوع انتهى خلاص .

وخلي فلانه تنفعك ماردت بس قرأت الرساله