منتدى عالم الأسرة والمجتمع - عرض مشاركة واحدة - دردشات نسائية ...(يسمح بمشاركة النساء فقط )

22-12-2014, 09:25 AM

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : دردشات نسائية ...

اقتباس:

المشاركة الأصلية كتبت بواسطة ملَك شادي

مابعرف بهالعصر ايش ممكن يضل ناس ينشرو عدوى القمل في ظل لتطور الصجي والنظافة والمستحضرات و التطور العام !!!! يعدو الناس وتعالجيهم ويرجعو ينعدو لمجرد في بؤرة اصابة في الصف مثلا
اشي بخزي ... الاصابة عدوى ولاتدل عالوساخة للاسف الوساخة في اطفال ماحد بعالجهم عادي عندامهاتهم الموضوع اللهم عافنا

معاج حق يا ملك .. صراحة انحرجت كثير لما عيالي انصابوا بالقمل أول مرة السنة اللي طافت .. وطبعاً متأكدة إن العدوى انتقلت لهم لما كنا في النمسا .. لأن القمل طلع بعد ما وصلنا مباشرةً.

انصدمت وما توقعت إن في حد في هالوقت اللي احنا عايشين فيه ممكن يكون فيه قمل!!!!

مع العلم إني مب أنا اللي اكتشفت القمل أو البيض .. ولا أعرف كيف تقدرون تشوفونه في الراس!! .. خالة زوجي هي اللي اكتشفته أول مرة وقالت لي إن في بيض في راس بنتي .. وأنا ما صدقتها واستبعدت الموضوع تماماً وقلت مب معقول القمل عايش في القرن الواحد والعشرين

وما صدقت إلا لما البيض فقس وطلعت الأشياءات اللي تمشي

والمرة الثانية زوجي أصرّ إن بنتي انعدت من المدرسة وأصر إني أتصل بهم وأتهاوش وياهم

.. بس طبعاً لا اتهاوشت ولا شي لأن بنتي راحت أماكن ثانية خلال هالفترة وما أقدر أجزم بالمكان اللي انتقلت لها فيه العدوى.

بس طبعاً اتصلت بمدرستها وقلت لها عن حالة بنتي عشان تاخذ إجراء بخصوص باقي التلاميذ .. لأني قدّرت إن بنتي ممكن تكون نقلت العدوى لحد منهم ... وطبعاً غيّبتها عن المدرسة كم يوم.

__________________

اللهم طِيبَ الأثر .. وحُسْنَ الرحيل.