رد : دردشات نسائية ...
نحكيلكم شوي عن حالي و وحامي ,,, للاخوات الي سبق وسالوني
" اسفة مو قادرة احصل المشاركات "
حاليا الوضع احسن بكثيييييييييييييييييييييييير من خامس اسبوع الى الاسبوع ال15
كان عذاب لا يوصف
طول الوقت نايمة ما اقدر اكل او اشرب شي وعايشة على البسكوت والماءght
بالاضافة لحالة التقيؤ المستمر " الله يكرمكم "
الي سببت لي بتشنج بالمعدة وصار عندي الم مستمر بكامل بطني
ما اقدر اعمل شي ولا اكل بسببه ولا حتى اسند طولي
والدكتور ما عندي غير كلمة " طبيعي كل شي طبيعي "
الحمدلله انه طبيعي لكنه ما اعطاني اي شي يساعدني
ودي اذبحه وانتقم منه 
ههههه
طبعا بهذا الوقت لا كان في طبخ ولا نفخ ولا تنظيف
لان ما اطيق افكر بشي اسمه اكل الله يديم النعمة
وبحكم اني اعيش بغربة ولا ماما ولا دادا جنبي ولا جارة او صديقة ght
فكان زوجي الله يجزاه الجنة قائم عني بالي يقدر عليه
الي يكسر خاطري الفترة الي طافت بناتي نور عيني
يا حرام ما عندهم غير يترجوني ماما اجلسي معنا لا تنامي
ماما العبي معنا ,,, ماما انتي ما عندك اوح ,,, ابقي معنا الحين
ماما انتي تعملي بيتزا حلوة سويها لنا اليوم
ماما متى تعملي كيكة الميلاد , قومي اعمليها الحين ght
يا الله والله قطعوا قلبي عليهم الفترة الي طافت
الله لا يحرمني منهم , قولوا امين 
اي
اما الحين الحمد لله من فضل الله ,,, اقدر اقول ان الوحام خف شوي
لسه شغال الغثيان والتعب والالم مازال موجود
لكن الحمدلله بدات اكل شوي بشكل افضل
والمهم اني رجعت اطبخ لبناتي كم اكله يحبونها والعب معهم واجلس معهم واسولف مثل العالم
بس طلع لي مشكل جديد وهو الضغط ,, الله يستر
عندي هبوط مفاجا بالضغط ممو عارفه له سبب ولا له علاج
ادعولي ترا اكره شي عندي الضغط اخاف منه تجاربي كلها سيئة معاه
طبعا بناتي يعرفوا اني حامل 
خصوصا الكبيرة ما شاء الله عليها من قبل ما احمل من رمضان وهي تقول ماما انتي عندك بيبي هههههههههه
ولما حملت صج قلت لها " اول وحدة " ههههههههه
كان سر بيينا فديت عمرها انااااااااااا
لما تشوفني تعبانه تجي تسالني "" ماما بيبي سوا لك اوح
اقول لها اي ..... ترجع تكلم بطني
بيبي لا تعور ماماااااا .gif "hhf")
نام خلي ماما تجلس معنا هههههههههه
وشنو بعد نسيت سوالفكم واسالتكم عني هههههههههه
ودي الحين لو انها عندي كان بوستها واكلتها اكل بعد عمري
لكنها بالروضة ...... ممممم لازم اخذ لها شي معي بعد شوي 
طبعا بناتي فرحانين وناوين يشتروا هدايا للبيبي
وكل يوم يسالوا متى يجي البيبي ومتى نروح الطبيب نشوفه
احلى شي ان بناتي كانوا لما يشوفوا بيبي مع امه يروحوا له ويتجمعوا حوله ويستانسوا فيه
الحين كل ما يشوفوا بيبي يركضوا علي وماما انتي عندك يبيبي وما يتركوا بطني بحالها
ربي يحفظهم لي ولا يفرق بينهم ويحنن قلبهم على بعض
اللهم امين يارب العالمين
اللهم صل على سيدنا محمد وعلى ال بيته الطيبين الطاهرين
دعواتكم لي بالتمام وجبر الخاطر وتيسير اموري
__________________
سبحان الله و بحمده
عدد خلقه و رضى نفسه
و زنه عرشه و مداد كلماته
~♥¤♥¤♥¤♥~