رد : علاقة الأخ بأخته بعد زواجه..
لا مو عادي الأخ ينسى أخته ولا أعتقد إنه نساك هو مازال يحبك ويعزك ومكانتك في قلبه محفوظة لا تخافي، خصوصا إنه على كلامك كنتوا أصحاب وحبايب وقراب من بعض قبل مايتزوج، كل الحكاية إنه انشغل بحياته الجديدة ومن كلامك حسيت إنه ماله فترة طويلة متزووج يعني معذووور وحتى لو له مدة متزوج مشاغل الحياة لاهيته شوي والإنشغال هذا شيء طبيعي جدا سواء بنت ولا ولد إذا تزوج ماعاد هو زي قبل، المهم إنتي ما تتغيري عليه وتشيلي في قلبك إذا زاركم اجلسي و سولفي معاه وشوفي وش أخباره ودلعيه وعامليه زي أيام ماهو عزووبي لا تعملي فجوة بينكم .. صراحة أستغرب من اللي تقول ما أسوي شاي قهوة ... الخ له من باب وين المدام؟! الدنيا حلوووة وسهلة هوو مو كل يوم عندنا والله لا جاء أحطه بعيوني وماله إلا اللي يرضيه .. عموما الواحد مايتمنى لهم غير السعادة أنا لا شفت أخواني مبسوطين ومرتاحين مع حريمهم قلت الله لا يغير عليهم إحنا زوجناهم عشان يرتاحوا وينبسطوا مو نقارن مع زوجاتهم ونتشره الواحد ماله ومال وجع الراس اشتري راحة راااااااااسك واحرجيهم بالطيب وراح تثبتلك الأيام إنه لسه بيحبك . وبكرة راح تتزوجي وراح تعيشي الوضع الله يبعتلك اللي يسعدك ويهنيك .
على فكرة محدثتك عزابية يعني فاهمة عليك لا تتوقعي إني أتفلسف عليك وأنا جالسة في بيتي بين عيالي 😂😂
إذا عندكم قروب للعيلة في الواتس أرسلي مقطع للشيخ وسيم يوسف يفسر آية ( يوم يفر المرء من أخيه وأمه وأبيه .. الخ ) يمكن تشتغل اللمبة الطافية في عقله، إذا ماعندكم ما أنصحك ترسليه برايفت أبدا ..
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔