روح شفتي هذا ولدك الوسطاني عندي حدس كبير إنه بيطلع شخص له شخصية ومستقبل وراح يكون مبدع..عناده لك لو عرفتي تتعاملي معاه راح تصنعي منه شخصية جميلة عناده شيء طبيعي وكل الأطفال بيمروا بمرحلة العناد بس شخصيات الأطفال تختلف بعضهم لو شخصية الأم قوية ومتسلطة وتفرض عضلاتها على ابنها راح تكسر شخصية طفلها ويسير ضعيف شخصية وبعض الاطفال ممكن يكون عنيد جدا يعني بالبلدي عبييييط هذا ممكن يكون متسلط لما يكبر وماعليه في احد لكن لو كانت شخصية الوالدين وبالذات الأم متوزانة في ردات فعلها وتعرف كيف تتعامل مع عناد الطفل راح تكون شخصية مبدعة لطفلها...ومن اشهر الشخصيات اللي عرفت بعنادها الايجابي في الطفولة عبد الله بن الزبير لما مر عمر بن الخطاب وكانوا الصبية يلعبوا في الطريق لما شافوا عمر رضي الله عنه هربوا الا عبدالله ابن الزبير فاستغرب عمر منه فقاله لما لم تهرب مع الصبية؟ فقال: لما افعل شيئا لأهرب منك ..ولم تكن الطريق ضيقة فاوسع لك......هذا الكلام فالدورة اللي ارسلتها لك حبيبتي روح ومثال ابن الزبير كان سؤال طرحته المدربة علينا وقالت في رأيكم ليه كان رد ابن الزبير وهو غلام صغير بكل هذه الجرأة والشجاعة...فكانت أجابتي ..ان اتصور ان كانت تربيته رائعة جدا من والديه رضي الله عنهما فعلى سبيل المثال كانوا يسمحوا له يعبر عن رأيه حتى لو كان في مجلس فيه ناس كبار وماكانوا يسكتوه ويقمعوه لو حاول يتكلم مو مثل بعض الاباء اللي لو كان في مجلس كبار وفجأة تكلم ابنه يهزأه ويسكته ويقوله عيب تتكلم..فكونت مثل هذا التربية من ابن الزبير طفل شجاع صادق مايخاف في الحق لومة لائم...عموما ياروح ماألومك الأطفال الله يصلحهم بالذات الأولاد بيطلعوا الأم من طورها وانا كمان اعاني من عصبيتي على اطفالي بس احاول اضبط نفسي عشان مااحطم شخصايتهم ومثلك اسعى واسال واقرا ويارب يعينني ويعينك وكل الامهات على تربية اطفالنا تربية صحيحة سليمة.رووح أنت أم رائعة وقوية ماشاء الله وتعجبيني كثير ماشاء الله باستفيد منك ومن مواضيعك الله يحفظك ويصلح اطفالك يارب ..واظن الوسطاني هذا ماشاء الله بيطلع أكثر واحد حنون عليك لما يكبر ^_^الله يحفظه.

__________________
سبحان الله وبحمده..سبحان الله العظيم