انا كنت استمتع بشغل البيت والله
تعلمت الطبخ كهوايةو كنت بخامس ابتدائي يعني 11 سنه تقريبا و كنت اطبخ و اتفنن و انتظر المديح بحكم صغر سني

بس بعدها كبرت و كبرو اخواني الذكور و ابوي الله يهديه مو راضي يجيب لنا شغالة
و قعدنا نكرف انا و خواتي و متقاسمين الشغل طبعا كل يوم ضرابة
انتي عليكي الملابس و انا الصحون
لا انا البارحة الملابس انتي عليكي الملابس اليوم و تصير الضرابة
يتدخل اخوي الف رحمة عليه
و يحل الموضوع و تعدي ع خير
و امي الله يهديها ما غير تتشكى من ابوي و من تقصيره
نحن تكرفنا كراف و الاولاد معززين مكرمين كل شي يجيهم لعندهم
ما كانت تكلف على نفسها تقول لهم خذو خواتكم غيرو لهم جو
ما غير قومي طبخي لاخوكي
قومي اكوي ملابس اخوكي
حطي هالاكلة لاخوكي فلان يحبها

اقول لها انزين ودنا نروح نتمشى
ابوي يقول ما اعرف ف دبي
و اخوي هناك ساكن و يشتغل
طيب اخوي ودينا
يقول ما اقدر معاي شباب و متفق معاهم ع الطلعة
طيب يا ماما كلميه خليه يودينا
خاطرنا نروح دبي

تقول طيب ما اقدر اغصبهم

يعني احنا غصب نخدمهم بس هم ما يصير نغصبهم


الله يهديهم عائلتي
بس والله مع الايام تزوجت و كبرت و صرت احب اخوتي و اخواتي هم عزوتي
و امي و ابوي تاج راسي الله يعطيهم العافية