منتدى عالم الأسرة والمجتمع - عرض مشاركة واحدة - دردشات نسائية ...(يسمح بمشاركة النساء فقط )

29-12-2014, 07:35 PM

#1359

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : دردشات نسائية ...

اقتباس:

المشاركة الأصلية كتبت بواسطة مبتعثة متفائلة

اعترفوا بنات احد يطقم فيكم للحين

أختي ما كانت تحب نطقم مع بعض!! .. وكانت تعترض لما أمي الله يرحمها كانت تشتري لنا نفس الشي!!

الحين أطقّم حق بناتي

والحمدلله لحد الآن يحبون يلبسون مثل بعض.

وإن كنت أعتقد أن الغيرة لاعبة دور معاهم .. يعني لما ألبّس وحدة شي .. وتشوفني طلّعت شي ثاني لاختها تنط على الكبت إلا تطلّع نفس قطعة اختها.

من كم يوم كنا طالعين .. ولبّست شما فستان يختلف عن فستان مهرة .. لأني لما اشتريته لشما ما كان فيه قياس مهرة أساساً .. والموديل حلو وما حبيت أضيعه ..... وتعالي شوفي المناحة اللي سوتها مهرة .. (وإلا إلا تلبسيني مثل فستان شما) .. قلت لها: يا ماما ما لقيت قياسج يوم اشتريته .. هالموديل مسووينه بس حق الصغار.

ما اقتنعت وتمت مبوزة أكثر من نص ساعة وتتحرطم وتقول: أنا عارفة إنج تبينها تكون حلوة وأنا لا

بعد أطقّم معاهم .. وكثير يحبون لما يشوفوني لابسة مثلهم .. لدرجة إن شما الحين أول ما تشوفني لابسة كندورة على طول تأشر عليها وتقول لي إنها تبا تلبس مثلها .. وتروح على كبتها تأشّر لي على كندورتها اللي تشبه كندورتي.

__________________

اللهم طِيبَ الأثر .. وحُسْنَ الرحيل.