زوجي له شهر تقريبا وهو ياكل ويشرب ويدخل ويطلع والجوال ما ينزل من
يده الا وقت النووم بس ( بدون مبالغه )
وحتى دورة المياه الله يكرمكم يدخل وهو معاه ..
يطلع الدوام الصبح مايرجع الا بعد العصر .. ينام شوي بعدين يقوم
ويطلع ..يرجع الساعه 1 الليل ويكملها سهره ع الجوال ..
اوقات يضيق صدري واكون مشتاقه له ومشتاقه اجلس معاه
وما احصل هالوقت الا لما يرجع ف الليل واذا جلست مايعبرني
وكله ع الجوال واحيان يجامل بكلمتين عشان يسكتني ..
بس الحين صرت احفظ كرامتي وما اجلس معاه زي قبل لانه
اصلا مايهمه كل وقته ع االنت والمحادثات والخرابيط وانا بس تحت رحمته
يشفق علي بكلمه ولا مجامله عشان ما ا اعاتبه ..
بتقولون اجلسي معاه وكلميه وفهميه ووووووو ......
سوبت هالشي وللأسف النتيجه مجاملااااات بس وبعدها ( يدق ابوها طنش )
ويرجع اخس من أول ..
تعبت ومليت وصرت اطنشه واعامله بالمثل لانه اهتمامي فيه
يضايقه بدال ما يفرحه .. اقوم بواجباتي معاه عشان ارضي ربي قبل ارضيه ..
بنت الحرام لها الدلع والاهتمام والكلام الحلو ..
والزوجه الحلال لها التطنيش والتهميش والاهمال والقهر و اﻷلم ..

الحمدلله ع كل حال ..