منتدى عالم الأسرة والمجتمع - عرض مشاركة واحدة - دردشات نسائية ...(يسمح بمشاركة النساء فقط )

02-01-2015, 07:38 PM

#1705

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : دردشات نسائية ...

البسة = القطوة

كانت القطوة رفيقتي الدائمة في مراهقتي وبداية عشريناتي.

الشيرازي على كثر ما هو ناعم وكيوت .. لكن عمري ما ربيته ولا تحمست له.

كنت أفضّل السيامي .. وفعلاً السيامي يشيل نفسه إلى حد كبير .. على الأقل ما كنت أشيل همّ السبوح والتنشيف والتمشيط.

كان عندي ذكر وأنثى .. وتوالدوا ... أيامها جهزت لها مكان وفرشته ورتبته على أساس حقها وحق الصغار ... لكن سبحان الله بعد ما ولدت ما حبت المكان وقررت تنقلهم.

تعرفون وين نقلتهم؟؟؟

كنت نايمة وما وعيت إلا بحركة عند أقدامي .. أثرها الأخت كانت تنقل صغارها وتحطهم تحت لحافي

قمت ورجعّت الصغار مكانهم عن أرفسهم وأنا نايمة

.. لكن أبداً الأخت ما اقتنعت ورجّعتهم تحت لحافي مرة ثانية.

طبعاً ما قدرت أحتفظ بكل الصغار .. فاحتفظت بواحد بس .. وتم عندي لين كبر.

وأذكر مرة كنت مسافرة .. وطوّلت حوالي ثلاث أسابيع .. وتوقعت لما أرجع يكون ناسيني .. لكن سبحان الله أول ما شافني نط في حضني على طول وبطريقة ما توقعتها.

وإجمالاً كانوا قطاوي دايماً حولي لما أكون في البيت .. وياااااا حلاتهم لما يتمسحون في ريلي

حتى إنهم كانوا ينامون معاي.

بخصوص النظافة .. القطوة نظيفة وتعرف مكانها الخاص .. إلا إذا انحبست في مكان مثلاً .. أو حد سكّر مكانها الخاص .. طبيعي وقتها توصخ في أي مكان ..... وبعدها صعب فعلاً ترجع لمكانها القديم .. أو على الأقل بتظل توصخ في المكان اليديد.

لكن في النهاية بدت الصياعة لما تعلموا يطلعون الحوش وينطون فوق السور .. وأنا ما عندي قطاوة تصيع

__________________

اللهم طِيبَ الأثر .. وحُسْنَ الرحيل.

التعديل الأخير تم بواسطة مهره ; 02-01-2015 الساعة 07:39 PM