رد : دردشات نسائية ...
اقتباس:
المشاركة الأصلية كتبت بواسطة مرح الابتسامة
بنات بقول لكم ع موقف صار معي قبل فترة بسيطه. 
صارت مشكلة بيني وبين زوجي وكان هو الغلطان 100ب100  وهوا معترف ...
فلما تصالحنا وهديت الامور بينا عاتبته بهدوووء ع تصرفاته معي وانه مقصر من الناحية
العاطفيه ركزوا معي ماطلبت فلووس ولا ابيها  فاجئني برده الا ماكنت متوقعته ابداً
قالي عارف اني مقصر معك وانتِ تستاهلين اكثر وعلشان كذا بكتب الارض بإسمك 
والله اني انصدمت وبكيييت كثييير اقول في نفسي انا في وادي وهو في واااادي
ابي مشاعر وحب وحنان واشياء بسيطه وهو بيعطيني ارضه ايش اسوي فيها
وبعد فترة رجع وقالي نفس الكلام طبعاً انا في كلا الحالتين ارفض ولا حتى افكر
في كلامه ...والله على مااقول شهيد
فهل انا مخطئة
انتظركم احباب قلبي  |
طيب ولو وافقتي ؟ .. هل هذا معناه شي سلبي في حقج؟
أنا معاج إن الزوجة لما تطلب هااطلب فيه شي من الحرج .. لكن لما زوجها اللي يبادر ويعطيها .. وبقناعة تامة إنها تستاهل .. فما أشوف من الحكمة إن الزوجة ترفض.
بعض الأزواج هذه طريقته في التعبير عن الحب والتقدير .. الطريقة المادية .. ورايي إنج تكونين مرنة وتقبلين أسلوبه حتى لو كان معاكس لأسلوبج ونظرتج للتعبير عن الحب.
لأن المهم إن الحب موجود ويتم التعبير عنه بطريقة ما.
وفي النهاية الأرض لكم ولعيالكم.
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 07-01-2015 الساعة 07:26 AM