المشاركة الأصلية كتبت بواسطة المتفائل بالله

الاخ الكريم
عشت حياتي مع طليقتي وانا نفسي والله اشوف بطنها يكبر واعيش وضع الحمل معها وقصص الحمل وتعب الحمل وزيارات الطبيب ، والايام اللي بنجلس فيها ونفكر وش بنسمي ابننا والا ابنتنا وكيف بنأسس غرفتة وملابسة وكيف راح نبني مستقبلة ووووالخ ، ماتتصور شكثر متعلق بالاطفال(:

ثق تماماً لما اشوف بطن زوجتي يكبر بس عشان تهديني الابوة وشيء صنف بهالوجود بأنه زينة الحياة الدنيا بكون ممنون لها وشايلها هالجميل عمري كلة حتى لو انملى بطنها ترهلات .. هاذي زوجتي يارجل(:

ثم لو سمحت لي ولاتزعل مني وانا والله اكن لك كل الاحترام .. فيه فرق بين الصراحة وبين الوقاحة ..

يعني انت لما تشتغل في مهمة في عملك لمدة 9 شهور وانت شاد حيلك وباذل قصارى جهدك وتجرعت سهر الليالي بس عشان يطلع شغلك بشكل يليق بكل هذا التعب ويجيك مديرك بكل برود ويقولك شغلك مو حلو او مو بالشكل المطلوب او خلنا نقول "مترهل" هنا وش الوضع معك؟ بتعتبرها صراحة والا وقاحة؟؟ مو المفروض يقدر تعبك على الاقل؟؟

حبيب قلبي انت .. وازن بين حبك لزوجتك وبيتك وعيالك وبين شهوتك ، الحياة ماهي غريزة وبس ، والاعتدال مطلوب تحت معيار "لا افراط ولا تفريط" ، واذا انت ياعزيزي بتحط هالترهلات عذر للزواج من اخرى ، ف الزواج من حقك شرعاً بس صدقني مو كذا يكون عذرك او تبريرك!! واذا تحبها فعلاً وتبيها وشاريها خذها بيدها وعالجها من كل شيء مايعجبك فيها (:



بكل استحياء منك اقولك
الرياجيل اللي يتداولون امور حريمهم بينهم (الترهيلات وخلافة) او اي شي يوحي للرجال بشكل زوجتة او جسمها .. هذولا من وجهة نظري يبيلهم صيانة على رجولتهم وعلى غيرتهم..

كل الاحترام..