والله ماكان ودي اغلط عليه بس صار اللي صار وهو رفع ضغطي بكلامه وهو اللي بدأ

وانا خلاص ماعاد فيها مجاملات تمشي معاي صح احطك فوق راسي بتلف وتدور الله يستر عليك لاتقرب صوبي ماني ناقصك اتحمل مين ولا مين

عموماً انا ماراح اودي لهم العيال الا اذا عيالي طلبوا وقالوا نبي ماما وقتها كلمتهم واذا فاضين وديتهم لهم مشغولين طلعتهم الالعاب

اما نهاية الاسبوع يوم الخميس الله لايهينهم يجون ياخذونهم نبي نشوف العيال اقول ابشروا جايكم بالطريق مانيب شغال عندهم

ونفس الشئ انا يوم السبت بروح بنفسي اخذهم ماراح اقول وصلوا عيالي الى بيتي

بكلم ابوها بس ماودي اكلمه الان ودي اكلمه بعد ما يتضح انه لارجوع ولا صلح علشان اعرف وش الوضع

انا ندمان اني رديت على اخوها حسيت اني استنقصت عقلي وصغرت نفسي بس حركة تدفني وتدخل بيتي واختي موجوده عندي بالبيت مالها داعي اي واحد مكاني بيثور

عموماً قدر الله وماشاء فعل والحمدلله على كل حال