الهيئة

لما كنت مخبوطة على راسي ( يعني مخطوبة )
دق علي زوجي و كنا في بداية الملكة لسى .. و بيوصلني الصبح بنفسه
استئذنت من امي الله يرحمها ..

خرجنا الساعة 9 الصبح تقريبا و اشترى قهوة و كرواسون
و وقف السيارة على جنب و قدام نوافير و السيارات رايحة و جاية لكن كنا قدام العالم
و صرنا نفطر في السيارة و السيارة ماهي مظللة و الدنيا صبح

المهم ..
كان حاب يفاجئني انه طلع دفتر العائلة و أضاف اسمي مع اسمه ..
شوي و دقيقتين .. تجي سيارتين توقف قدامنا و انا ماني فاهمة شي
عمري ما شفت الهيئة و اسمع بس عنهم

و ينادوا زوجي و صدفة من ربنا انه دفتر العائلة موجود معانا
المهم كم واحد كانوا و يسألوه أسئلة و انا استناه و ماني فاهمة شي
و كنت جالسة في السيارة

و يجي الشيخ و منزل عينه و راْسه و الشماغ نازل
و يوقف جنب طاقة السيارة في جهتي و يسألني اسءلة

هذا مين ؟
ايش اسمه بالكامل ؟ ( طبعا الشيخ معاه دفتر العائلة و يطابق كلامي معاه و مع أقوال زوجي )
كنت الصراحة مفجوعة من الأشياء هذه الي صايرة

المهم
فين يشتغل و فين عنوان شغله ؟
و فين بيت أهله ؟

و انت اسمك بالكامل و تاريخ الميلاد و فين مولودة
و فين بيت اهلك و فين كنتوا رايحين و كله بس عشان يتأكدوا من انه معلوماتنا هي نفسها

.
.

بس بعدين تَرَكُوا زوجي
و انا بجد مفجوعة و سألته مين هذولي ؟

قال لي الهيئة .. و يتأكدوا
قلت له الي بيعمل شي غلط ما يوقف كذا وسط العالم و في الصبح ساعة 10 ؟

للأسف اكتشفت انه بنات الشوارع و اولاد الشوارع
ما عندهم فرق .. صبح ليل وسط العالم او لا ؟

.
.

لما حكيت لاخويا بعدين
انقهرررررررر و قال انا لو مكان زوجك ما اسمح لهم يقربوا منك و يسألوك كانك وحدة من الشارع !
و الله كنت اتضارب معاهم و اجيب لهم الشرطة

ليش يوقف و يسكت لهم ؟
قلت له ماعرف ..'!