رد : دردشات نسائية ...
اقتباس:
المشاركة الأصلية كتبت بواسطة فاكهة الشتاء
كوين خطيرة ههههههههههه
اهم شي ما يبرد الكابوتشينو
مابا أعلق كوين علشان ما تنقلب الدردشة
بس أحس الوضع زايد عن حده من موقفج وموقف روح
وترى أنا ما عندي تقديس لهيئات ولا لمؤسسات
الغلط وارد من كل أحد
|
فعلاً .. أحسها تصرفات فردية ترجع للشخص نفسه.
ذكرتيني بموقف صار لي السنة اللي طافت لما سرت العمرة.
الليلة الأخيرة طلبت من زوجي أنزل الحرم أصلي لي ركعتين وأطوف وأدعي .. يعني باعتباره آخر يوم.
عقب ما خلصت طواف وقفت في مكان عشان أصوّر الكعبة .. وجان ييني واحد لابس بشت ـ أنا فهمت إنه مسؤول أو موظف في المكان يعني مب شخص أو معتمر عادي ـ ونصحني نصيحة بخصوص تغطية ويهي.
ما أذكر شو قال بالضبط .. لكنه استخدم أسلوب يشبه (إن اللي الله عطاه نعمة زينة فالمفروض يحافظ عليها ويحميها) <------ الزهايمر ذبحني!!!
المهم إن كلامه وأسلوبه وحتى نبرة أو طبقة صوته كانت كثير حلوة.
ومن كثر ما كان هالريال طيب وحبوب في طريقته معاي فكرت إني أغطي ويهي 
__________________
اللهم طِيبَ الأثر .. وحُسْنَ الرحيل.
التعديل الأخير تم بواسطة مهره ; 11-01-2015 الساعة 08:11 PM