مرحبا .. البارح زوجي كل شوي يجيب لي طريقه .. مره بنادول
مره بيبسي مره يقول يضربني ضربه خفيفه ع بطني .. انا عصبت
وقلت ماني لعبه عندك كل شوي تجرب فيني شي .. ياخي خاف ربك
مدام انه عندك خير وربي فاتح عليك وتقدر تصرف ع 10 مو 3 ليه مكبر
الموضوع لهالدرجه وكأنه صاير مصيبه .. قال انا عارف انك تبغي تخلفي زي البقره
بس انا ماعندي استعداد اتحمل ازعاج وقلق وطلبات مانخلص .. انا واحد ابي ارتاح
.. والحين اختاري يا انك تنزليه ولا والله لا اكرهك بشي اسمه زواج .. ولا خلاص
شيلي اغراضك وبناتك وروحي عند اهلك ..قلت بس هذا اللي ربي قدرك عليه ..
الموال حقك ف كل سنه لازم يتكرر .. ماترتاح الا اذا طردتني عند اهلي ..قال يا
تطلعي يا انا بشيل اغراضي واطلع واشوف من وين لك مصاريف وايجار ..
قلت له مارح اطلع من بيتي يكفي المرات اللي قبل تخليني بالشهور وبدون مصاريف
واهلي كانوا متكفلين بكل شي بس عشاني وعشان البنات مو عشانك ..
قال اطلعي وبتجيكم المصاريف .. طنشته ورحت غرفتي ..
قام لبس وطلع .. اول ماطلع انفجرت من البكاء لدرجة صليت العشاء وماعاد قدرت
اقوم ودعيت عليه من قهري ..
انا الحين خايفه مادري كيف اتصرف .. طلع من البيت والشر بعيونه واحسه مخطط او
ناوي على شر ..
والله اني صرن اكرهه واكره اشوفه بس مابي اترك بيتي عشان بناتي ماينحرموا
من وجوده.. ما ابغا الموال حق كل سنه يتكرر ويخليني بالشهور عند اهلي بدون ما يسأل
او يصرف ريال واحد ..رغم انه اهلي ناس ع قدهم بس ماكانوا مقصرين علي و ع بناتي
باي شي .. عشت ايام سودا وكان قلبي يتقطع لما بنتي تسألني عن ابوها ..
وبعد 5 شهور نست ابوها وصارت تنادي اخوي بابا .. كان هالشي يخلي قلبي
طول الوقت محروق .. والحين يبغا يكرر نفس السيناريو ويرميني عند اهلي ولا يسأل
وفوق هذا كله حامل .. والله العظيم شي مايرضي الله ولا رسوله ..

دعواتكم لي .