هههههه . هذا في الاستئذان وهم خارج المنزل بس هم الآن دخلوا . وبعدين ما هو جارك . هههههه . واللي أذن لهم هو من يملك البيت وأنت ما تملكينه .
أختي بلاش مناقر حريم .
كلمي أخوك بلطف وأدب وهدوء بدون ما تحسسينهم إنك متضايقة منهم إن ما أبي زوجتك تطق علي غرفتي لخصوصيتي . وقولي كذا بالله عليك يا بو فلان كلمها بهدوء ولا تجيب لها سيرة إن أنا قايلة لك . وبس وتنتهي .

ليش التلطف معهم ؟ لأنه أخوك وأنت عمة عياله وكلكم عائلة واحدة ، ولو بكرة يصير لك شي ، ما راح يوقف معك إلا اللي أنت متضايقة منه هو وزوجته . كيف تبينه يتحمس لك وهو يتذكر عصبيتك عليهم .
الله يهديك ، اللي باين إن خطا الأخت هو في طق الباب بوقت معين ، لكن احمليها على محمل حسن ، فلو وحدة من خوياتك اللي تمون عليك طقت بابك في نفس الوقت والحالة اللي أنت عليها يوم مرة أخوك تطق غرفتك ، ما زعلت على صديقتك . فوش معنى الزعل على مرة الأخ .
فإذن المسألة ( نقرة حريم ) لأنها هي بالذات ما تبينها تطق .
الله يهديك .