سمو الأميرة
خذيها مني عن تجربة
هذي الهواجس تزيد كلما جاوبج على اسألتج ، وعطاج تحركاته ..
ما اتكلم من هواء
كنت مثلج بس بشيء ثاني تقريباً
و كان زوجي يتعاطف معاي ويجاوب على اسألتي خوفاً علي ، ويخبرني بكل شيء ..
وكانت حالتي تسوء يوم بعد يوم ، وصلت لمرحلة مثل المجنونة!!!
بعدها زوجي انتبه ، ووقف الاجابة عن تساؤلاتي
تدرين شصار ؟
أول اسبوع كان انهيار عظيم بالنسبة لي
بچيت وصحت انهرت انهرت
اسودت الدنيا بعيني .. وحسيت حياتي وقفت
وان كل مخاوفي بتتجسد امام عيني
واللي خايفة منه بيصير
فعلاً انهرت و مرضت وصار ضغطي يرتفع
وما انام الليل الا بالعسر
زوجي بدأ يمل مني رغم حبه الشديد لي
بدأ يتسائل .. غلطت بزواجي ؟؟
بدأ يقول لي .. لولا الحرام والحلال چان انتحرن بسبتج!!!
شوفي لين وين وصلت نفسي و زوجي
بس بعد الاسبوع ، بدأت اتحسن
بدأ وضعي يصير أفضل
و هني ساعدتني اختي انلمتد ان اتعامل مع هواجسي
بفضل من الله ونباهة زوجي ومساعدة انلميتد صرت أفضل
انتهت هواجسي ؟ لا ما انتهت
زادت مخاوفي ؟ لا بل صارت اقل
وضعي مع زوجي ؟ صار أفضل بوايد وايد وايد وايد .. وين قبل وين ألحين!!!
قبل كل يوم مشكلة
😊 الحين كل بين 4 ايام تقريباً مشكلة وقاعدة اسعى ان تكون اقل
وقبل لين صارت بيني وبينه مشكلة عادي ابقى يومين منكدة عليه وعلى نفسي بسبب غيرتي ومخاوفي
حالياً المشكلة تنتهي بسرررررعة ما تطول حتى ساعة الحمدلله
وحالياً بمساعدة حبيبتي مهرة قاعدة اتطور اكثر

اعرف طولت عليج
بس استفيدي من تجربتي ولا تكررين اغلاطي