اقتباس:
المشاركة الأصلية كتبت بواسطة زين ابيها
😊 اي نعم استلذ
بس مو بالكف ولا الاهانة ..
ولا عندي عقد طفولة ونقص في الاهتمام 😁
سبق و ذكرت هالمثال في موضوع آخر
انه في مجتمع عادي عندنا كشف الوجه عادي جداً
و خذيت زوجي وانه اعرف ان بختتتتتنق اذا غطيت وجهي
ما بقدر اتنفس احس
وبيمنعني عن المطاعم المفتوحة ووو
و رغم ضيقي، إلا إن فيه احساس لذيذ يخطرف على قلبي
بإن من غيرته علي ما يبي أحد غيره يشوفني
وحتى إذا منعني عن مكان رغم انه نادراً اذا يسويها ، بس اتضايق
ولكن اعرف سبب رفضه لذلك يكون ضيقي بسيط ومحدود ويتلاشى بسرعة ويحل مكانه احساس لذيذ
😁 هل انه كائن غريب ؟
|
بستمتعين بها يازين لانك توك في بداية زواجك وبعد ماتمر السنوات بتملين منها ..
يعني مثلا يقول لاتروحين مع السواق الحالك والا روحي مع اخوانك
وحضرته مشغول بروحاته ووناسته
اعطل شغلي او زيارتي ووناستي والسواق موجود علشان قانونه
بالبداية مبسوطة بس خلاص مليت مليييت
والا مثلا يقول لاتروحين السوق الحالك وهو قريب من البيت
يعني مثلا برجع حاجة اشتريتها وكنت رايحة مع اختي امس للسوق
ورفضت اختي تروح
لازم اتشحذ خواتي يروحون معي وكاني طفله ..
ولو فرضا مالقيت احد ، اللبس بيجلس عندي ولاراح استفيد منه
لا والله بتروح هاللذه اللي نحس بها ..
والله عن نفسي بديت اقنعه لحد ماوافق اروح مع السواق الحالي
وصارت ماتفرق معه وهذا اللي ابي ...