المشاركة الأصلية كتبت بواسطة روح الطير

اخوي
أخي في الله ..

سامحني لكثرة عودتي للموضوع ..

كنت اشوف اسمك كثير تحت مواضيعي وكنت اتمنى انك تردي

والحمد لله جاء اليوم اللي رديتي فيه عن كل المواضيع

اولا ..
انت طبيعة شخصيتك تشبه شخصية اصغر اخواني ..
عمره صغير لكن عقله كبير ماشاء الله .. عمره عشرين سنة و أولى جامعة ..

من ناحية انه إنسان ( حقاني ) حتى على نفسه ..
( منطقي ) حتى على نفسه ..
يحلل الامور و كل شي من حوله ..
يكره تعقيدات المجتمع و يكره يكون مع الخيل يا شقرا ..
يعمل الشي الي هو مقتنع به فقط ..
يحب يكون ( باطنه نظيف ) مثل ( ظاهره )

نعم نفس صفاتي

.
.

عشان كذا ابغى اقول للغالية زوجتك ..
( تطمني ) ..

زوجك لو يبغى يعمل شي لا سمح الله ..
راح يجي و يقوله لك بشكل صريح ..

لانه شخصيته ترفض الكذب و المراوغة ..
و تأنيب الضمير بداخله ( عالي ) نوعا ما ..

.
.

اجذبيه لك ..
جددي ..
غيري الروتين ..

ماقصرت معي الله يجزاها خير


الباقي باكمله في موضوع الاخت سمو الأميرة

.
.

و انت اخوي ( اخوي في الله ) ..

شخصيتك تخلي زوجتك تخاف عليك من فقدانها لك ..
و يحق لها مع الزمن العجيب هذا و الي الحياء ذهب و اختفى فيه من بعض النساء في الشوارع و الاسواق

و الله ماشية مع زوجي اكون ..
الحرمة تطاااااااااالع و ترجع تطالع فيه او في اي واحد و ما تنزل عينها ..

عشان كذا ..
أغمر زوجتك بالمديح ..
لا تقول خلاص مو لازم و هي عارفة اني احبها ..

و نفس الوقت خليك حازم بعض المرات و لما تلاقي تجاوزات ..
و لما تلاقي الغيرة بدأت هي الي تسيطر عالوضع بينكم ..

لانه الغيرة مرات تسيطر على مشاعر المرأة و تصرفاتها و تعمي العيون بصراحة
انا لما أغار ( أتحول كائن شرس ) هههه

لكن انا تعلمت كيف أبرد مشاعري .. و كيف اطنش و أتجاهل ..
و انت مو لازم كمان في مواضيع الرجال تكون صريح جدا و تقول ( مافي رجال ما يطالع بالحريم )

ياخي استغل وجودك بالمنتدى مع زوجتك .. و خلي بعض المواضيع و بعض الردود تخدمك لاسعادك بحياتك ؛)

يعني شفتهم يتكلموا عن الحريم مثلا ..
خليك ذكي بالتعامل مع الأنثى و هي زوجتك

و قول ( نحن الرجال ننظر للنساء و ليش نكذب ! لكن انا زوجتي تغنيني عن النظر للنساء و هي عندي كذا كذا )
ياخي زود كلمتين تفرح بها زوجتك و تخليها تدلعك طول اليوم !

لاتوجد علاقة بين زوجتي والنساء

هذا شيء وهذاك شيء ثاني

وبالتالي الزوجة لاتغني عن النظر للنساء!

اخذنا فترة نمشي اثناء شهرها التاسع في احد المولات وكل وحدة تمر تلفت انتباهي البصري

اقول لها شوفي هذي كيف عبايتها - كحل عينها - كعبها - وهكذا مثل الكلام اللي يقوله الواحد لصاحبه

واقولها انا باكلمك وكأنك صديقي وليس زوجتي

في البدايات كانت تقول خليني البس عباية مثلهم (مزركشة) عشان ماتطالع في الحريم!

قلت لها وش دخل ذا في ذا

انتي زوجتي وماابغى احد يطالع فيكي فعشان كذا ماابغاكي تلبسي شيء ملفت للنظر ، وغير كذا انا عارف ايش يوجد داخل عبايتك (اقصد اني عارف جسم زوجتي وتفاصيله (بغض النظر عن السلب او الايجاب) ) ولكن هذه المرأه تثير التساؤلات ياترى ايش مخبيه تحت العبايه! من باب الفضول والالغاز وبعيد عن الشهوة الخام

وانا اناقشها معك عشان تطلع من خاطري ولكن ان سكت فراح افكر فيها طول الليل مثلا! وليش

خليني احسن اقولك وننتهي من الفكرة

ومع التكرار بدأت تقتنع ، ولكن احياناً ماتقدر ، فقررت اني اسكت ومااقولها ، فزعلت ثم يارضيت او نسيت

الخلاصة مافي شي في عرفي الرجالي اسمه انو زوجتك تغنيك عن باقي الحريم!!!

انتو الحريم اللي عندكم هذا المصطلح لأنكم مبرمجين على حب رجل واحد فقط في وقت واحد

زوجتك تبغى تشعر بالامان معك

كنت معاها في السوق مثلا
و الحريم ينظروا لكم .. و زوجتك شعرت بالغيرة
تقصد انك تمسك يد زوجتك ..

يعني حسسها دايما هي و الي حولكم انه زوجتك ( رقم 1 )


ماابغى حرمة تطقني بعين

زوجتك حساسة و شاعرية و كتومة اتوقع كذا
و اتوقع انها خجولة بعض الشي .. و ما تفضفض و ترتاح لأي شخص
عشان كذا لما وجدتك .. تشبثت فيك بكل جوارحها ى تبغاك تظهر لها دايما مشاعرك ..

.
.

شارك و أبدي رايك بالمواضيع

لكن ضيف كلمتين بعض المرات .. ما راح تخسر بهم اي شي
( ضيف زوجتي تاج راسي )

اشعر انها مالها داعي، اخاف من العين


ليش ما تحط في توقيعك كلمتين حلوين ترضي بها غرورها !؟

.
.

سمو الأميرة ..

لا تكتمي الرجال .. اتركيه براحته بالمكان الي يرتاح و ياخد فيه راحته ..
افضل من انه يروح لشلة فاسدة لا سمح الله

والشلل الفاسدة يا كثرها بمجتمعاتنا ..
و الله انهم يغيروه .. و يفسدوه و يخربوه ..

خليه مثل كذا .. و اجذبيه اكثر و حببيه للجلوس معك بالبيت
و حببيه بالمنتدى اكثر ..

هذا افضل منتدى الصراحة بعالم النت ..
ناس راقية و ادارة محترمة ..

لو فيه وحدة تبغى تغازل .. يا كثر البرامج و الأماكن المناسبة لها و ما راح تجلس هنا ..
و لو هو يبغى يتميلح على قولة اهل نجد
ما راح يجلس بالمنتدى هنا .. صدقيني

خلاص اقبلي به .. بشخصيته و طبيعته ..
و تعايشي معاه .. و لا تجبريه يكون مثلك .. لانه صعب انا آكون انت .. و صعب انت تكوني انا ..

لو شفتي زوجك يجاوبك على تساؤلاتك ..
هو عشان يتجنب المشاكل و انت ما تحبي اكيد انك تكوني بالموضع هذا ..

و تغلبي على مشاعر الفضول و لا تسالي ..
اسالي بطريقة ما تحسسه انه مقيد و مراقب .. حتى لا يهرب ..

هذه فرصتك و استغليها ..

.
.

و بعدين العضوات في المنتدى قد امه و جداته و خالاته ..