حبيبتي

انا اذا رحت بيت اهلي واختي مانزلت
الطبيعي اني اطلع لغرفتها اتطمن عليها واسلم عليها
لا تاخدي الموضوع بحساسيه
بتكون تعدت على خصوصيتك اذا جت وفتحت الباب بدون تخبيط
اذا كلمت اخوك وقالت اختك ماتنزل تسلم ( وبهرتها حبتين وسوت مشكله)
اذا وصت عيالها لغرفتك يجلسون

لكن بصراحه اشوف تصرفها تصرف وحده محبه تهتم لامرك
لو ماتعزك وتغليك كان مافرق معها سلمت عليك ولا لا
لكن لانها تعزك طلعت لعندك تسلم عليك وتشوفك
وراحت

برايي لا تدخلي اخوك بالموضوع
وصارحيها بلطف
الاسبوع الجاي اذا اجت انزلي سلمي عليها نص ساعه وقولي لها تعرفي يافلانه طول الاسبوع شغل مهدود حيلي بطلع انام
حياك والبيت بيتك وانتهينا

ونصيحه لا تاخذي الامور بحساسيه حبيبتي
وعلى فكره ست ساعات ماشوفها كثيره
ناس العرف عندهم التجمع من وقت صلاة الظهر لبعد صلاة العشاء
وناس عرفهم البيات
وطبعا الي بينهم حساسيات زياره شهريه

فا ست ساعات ماشوفها كثيره
من 5 ل 11 مثلا
بالنهايه هي ببيت اهل زوجها مش عند اغراب

__________________
سبحانك لا اله الا انت اني كنت من الظالمين