منتدى عالم الأسرة والمجتمع - عرض مشاركة واحدة - دردشات نسائية ...(يسمح بمشاركة النساء فقط )

25-01-2015, 11:37 AM

#5186

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : دردشات نسائية ...

خطف!!

مب ممنوع عندكم يا ريم؟

أمي تقول عندنا ممنوع ومب رايمة تحصله في اي مكان!
.
.
.
كوكي .. بخصوص بنتي .. أحس فعلاً في شي غلط .. باعطيها فرصة لين نهاية الأسبوع .. وإذا ما في نتيجة بأجل الموضوع لين الشهر الياي.
.
.
.
روح .. ولدي نومه مب قليل .. لكنه متعود يصحا بدري .. فحتى لو نام 11 أو 12 تلقينه قام الصبح الساعة 6 او 6.5 .. وهذا غالباً في الويك إند لأني أخليه يسهر.

لكن في الأيام العادية ينام ما بين 8 و8.5 بالكثير.
.
.
.
.
ناسية منو فيكن كانت ترمس عن حنان البنات .. وأنهن أحن من الأولاد .... ولدي الله يحفظه فيه حنان كبير .. لما يشوفني مريضة ومنسدحة على السرير أو الكرسي يروح ييب لي لحاف يغطيني .. أو عصير وسندويش مثلاً عشان آكل.

ولما يشوفني مصدعة أو خاملة بسبب قلة النوم يسوي لي مساج في راسي أو كتوفي .. أو يطلب مني أنسدح عشان يسوي لي مساج في ظهري.

ويهاوش خواته عشان ما يسوون حشرة ويزعجوني

مهرة تسوي نفس الشي أحياناً .. بس أحسها تقلد أخوها .. في حين هو يبادر من نفسه.

لكن سبحان الله في شغل البيت العكس تماماً .. هي تبادر وتساعدني بدون ما أطلب .. وهو يتحرطم لما أطلب منه يسوي شي

__________________

اللهم طِيبَ الأثر .. وحُسْنَ الرحيل.