في البداية .. فاكهة الشتاء ..

حابة أوضح أمر :
قريب زوجي من جهة والدته درجة أولى .. كان و مازال هكذا و زوجته تطلقت منه بسبب الشي هذا ..
يشرب ، يحشش ، يسرق ، علاقات مع النساء ، و عمره فوق ال 60 عام و مازال .. و عادي الكل يتكلم معاه
وأخت زوجي .. كانت في الجامعة من الشلل اللي يدخنوا و يعملوا حركات المسترجلات ..
و وحدة من أخواته بالصدفة شفت لها رسائل خاصة بينها و بين شباب .. و قلوب و حبيبي وو إلخ
و أخو زوجي ، شلة الفساد هذولي هم أصلا شلته .. و أخوه يجاهر بالمعصية و يعترف إنه يروح عند فلانة
و علانة و يقابل و يكلم ووو إلخ .. و زوجي من قبل الزواج كان فقط يكلم بالجوال شكله ( حسب ماكتشفت ) ..
أزواج أخواته فيه منهم اللي يحشش ، و فيه اللي يسافر عشان النساء و كذا ..

أخوه يغازل و يكلم صحباته ، أمام بنات أخوانه و بنات أخواته المراهقات بدون خجل أو حياء ..
فقط يخافوا من أبوهم ..

.
.

يمكن ميزة زوجي عنهم ، إنه ( يخجل ) من أفعاله .. و فيه بداخله ( بذرة خير ) .. !؟ <-- حسب ما عرفته ..
يمكن بسبب حفظه للقران ؟ و يمكن بسبب اجبار ابوه له ملازمة المسجد و الشيوخ و القران ؟

.
.

المهم ..
بيئته كذا باختصار ( بإستثناء أبوه ) اللي مو داري عن الأشياء هذه اللي تحصل حوالينه ..
لإنه أمهم تستر عليهم ، و ما تنكر عليهم أفعالهم ..
أنا لا أتشمت ، و هم بالأخير عيلة أولادي ..

.
.

هذه الأمور اكتشفتها للأسف ،. و ماحد يدري بهم عنهم ،.
لإنه سمعتهم وسط الناس ( عيلة الشيوخ و الأئمة و الملتزمين ) فيحرصوا دائماً على الظهور بمظهر الإلتزام ..
ارضاءً للوالد .. و الحصول عالسمعة ..

و وحدة اخصائية اجتماعية في مركز خيري اجتماعي ..
قالت لي ( لا تلومي أبدا حالك .. انت عرفتي كيف تكسبي زوجك و عرفتي تفهميه ، و الأشياء اللي صدرت منه
بسبب سوء تربية و فساد البيئة اللي نشأ فيها ) و اتنين من المستشارات ، نصحوني انه خليه يبعد عن بيئة اهله
يواصل أمه و أبوه و يبر بهم ، لكن خليه بعيد أفضل .. و عن نفسي ما تدخلت ، هو أصلا ما يحب يروح لهم

و أنا عن نفسي ، لما شفتهم كيف يتكلموا أمام الأطفال و يعلموا بعض كيف يكذبوا و يغشوا و يخدعوا و يخونوا
و يسرقوا و يغازلوا ، و كلمات خادشة للحياء .. قررت أخلي أولادي بعيدين عنهم .. و خاصة إنهم يقولوا
الولد لازم يكون رجال و ما يخجل و ما يعيبه شي .. دون مراعاة للدين و لا العرف .. المهم اتباع الشهوات ..

مع ذلك ، ما عمري تدخلت بين علاقة زوجي بأهله ..
فقط بعد المشكلة اللي حصلت بيننا .. قلت له أخوك هذا ما يدخل بيتي و لا يقرب من أولادي ..
اللي يجاهر بالمعصية و يغازل أمام بنات أخوانه و أخواته .. و يسحب زوجي لشلة الفساد و السهر و غيره ..

.
.

عشان كذا :
صدقيني ، ما راح أضع أي جزء من اللوم على نفسي في انحرافه او أي سلوك شاذ كان يقوم به أبداً ..
و حتى أوصل للقناعة هذه ، أنا تعبت .. و الآن مقتنعة بها مية مية و بالثوابت ..

أجاوبك الآن فاكهة ..