2- ماهي سلبيات بقائك في هذا الزواج ؟
شي انكسر و ما راح يتصلح .. و انعدام الثقة .. و ما أصدقه أبداً ..
أدرس خطواتي معاه مليون مرة ، لإنه ممكن يغدر بيا لا سمح الله ..

صح إني مع زوجي باتعب مع الأولاد و من تحمل مسئوليتهم .. لكن لو تركنا بعض ، راح أتحمل أكثر و أكثر ..
و جربت الشي هذا بنفسي ..

صح اني اتحمل الأمور المادية ، لكن لو تركنا بعض .. راح أدفع اضعاف مضاعفة للسواقين و غيرهم ..
هو لما يكون معاه ، بيصرف عالأولاد و ما يبخل .. و جربت بالفترة اللي تركنا بعض فيها ..

.
.

3- هل تعتبري يا روح أن شخصيتك القديمة ساهمت ولو بشكل غير مباشر بتفاقم عيوب هذا الزواج ؟

أتوقع شخصيتي القديمة ، هي اللي خلته يعطف علي .. و يتمسك بيا الآن .. !!!
لإني كنت أضحي عشانه بأي شي املكه و كنت جداً عفوية و بريئة بأفكاري و تصرفاتي و طيبتي كانت مبالغة
لإنه ما شاف الصفات الي كنت اتصف بها .. عند أهله ، تعود إنه كل شي له ( لازم له مقابل ) ..
و أنا ما عندي الشي هذا ..

و هو اعترف أمام القاضي ، و أمام الشيوخ المصلحين ، و الإستشاريين و أمام أهله ..
بكل اللي قدمته له ، و إنه ما يستاهل الي فعلته من أجله .. و اعترف إنه هو السبب في كل شي صار ..

.
.

هل تعتقدين أن رحمتك وعطفك عليه الزائد كان سبب في زيادة الاتكالية وتفاقم العيوب التي هي
تعتبر عيب رئيسي في زواجك ؟

امممم .. بعد التفكير بعمق ..
أتوقع ايوة صح ..

لإني دحين ما صرت ارحمه مثل زمان ، و لما افتكر اللي صار .. أبدأ أقول بداخلي ..
( خليه يتعب على أولاده ، و علي .. مافيها شي ، و لو ما يبغانا .. ماحنا خسرانين شي ) ..

و هو حالياً أفضل من قبل من ناحية تحمله للمسئولية معاي ، لكن الي بدأ يتعبني الآن ..
دوامه خارج مدينتنا .. و عشان كذا اقترحت عليه ، ينقل عندنا أو العكس ..

و الصراحة ، وظيفته هذه ما راح يلاقي مثلها ( هنا ) ..
و أقدر أقول له يترك عمله و يجي عندنا ، لإني ماني بحاجة لراتبه ، لكن ما أبغاه يكون عاطل ..
خليه يشتغل و ينشغل .. بس إيش يدريني برضو إيش بيصير هناك ؟

هو ظاهرياً إنه - مستقيم بإذن الله - ،، لإنه الفترة هذيك قبل لا أكتشفه ..
كنت شاكة و حاسة و متأكدة من وجود شي و أشياء اختلفت فيه .. لكن هو حالياً واضح إنه - طبيعي - !

4- هل قدرتي روح تعرفي سبب المماطلة ؟
كسل .. خوف من اتخاذ أي قرار ..
شايف إنه نحن جالسين هنا مستقرين ، ليش نتهجول معاه ؟

و يمكن مثل ما قلتي ( قلة حيلة ) ..

.
.

وحقيقة لا أذكر لماذا كان يفصل من العمل كثيراً أو يجلس فترات بدون عمل
- مرات كانت أمه تقول له ، وقع و ابصم و اخرج .. و كم مرة سمعتها تعلمه ..
- الطبع هذا مو في زوجي و بس ، هو و أخواته و أخوانه .. عشان انكتموا في داخل المنزل مع أبوهم ..
- أخته تغيب مرات بدون سبب عن المدرسة أو الجامعة ، و تقول لأخوها جيب لي عذر طبي ..

فطبيعي إنه راح يخرج كل شوية في فترة الدوام لأي حجة .. و يخلي المدير يتعاطف معاه ..
و يكذب عالمدير ، و يروح يقابل شلة الفساد .. و أخوه ..

عشان إذا خلص فترة الدوام ، ما ينكششف قدامي .. إنه ليش تأخر ؟
لكن يستغل كان فترة الدوام من أجل الصياعة و الأفعال تلك ..

.
.

حالياً بيحرص على الإلتزام بعمله .. خاصة بعد ما جرب يجلس عاطل لعدة شهور ..

.
.

أنا كاتبة شرط في الصلح ، إنه لو انفصل عن شغله أو جلس عاطل ..
من حقي أطالب بفسخ عقد النكاح مباشرة ..

فجالسة افكر ، يمكن يكون انفصل عن عمله .. بس ما يقول لي ..
و يتحجج بأي حجة عشان ما ننقل عنده .. و يتورط بإيجار و سكن و غيره ؟

.
.

اليوم بيقترح علي إنه يترك عمله ، و يجي يجلس معانا و يفتح مشروع ..
لكن رفضت ، و قلت له تتوظف بوظيفة أوقاتها معروفة ، مو مفتوحة أي وقت ..