منتدى عالم الأسرة والمجتمع - عرض مشاركة واحدة - دردشات نسائية ...(يسمح بمشاركة النساء فقط )

04-02-2015, 09:26 PM

#7262

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : دردشات نسائية ...

اقتباس:

المشاركة الأصلية كتبت بواسطة فاكهة الشتاء

مهره كيف عاقبتيهم

تذكرت العقاب الراقي اللي كانت تستخدمه أم سيدة الموقف الله يذكرها بالخير.

زعلت منهم .. وقمت ما أكلمهم إلا لسبب معين .. مثل: روحي استبحي .. سير صل .. يالله سيروا تعشوا .. وطبعاً سمّعت لسلطان الجزء اللي عليه من القرآن .. وراجعت إملاء مهرة.

لكن لما يكلموني عن أشياء أخرى مالها علاقة بالروتين اليومي أو الدراسة ما أرضى أرد عليهم .. ولما يطلبون طلبات غير أساسية أرفض .. ولما يسألوني: ليش؟ .. أقول: لأني بعدني زعلانة!

ووقت النوم رفضت أقرا عليهم. (متعودة أيلس عند كل واحد فيهم وأمسح على راسه وأقرا عليه المعوذات ودعاء تحصين الأطفال)

حبيبي سلطان حاول يعتذر مني أكثر من مرة خلال اليوم.. وياني يبا يبوس راسي ويحضني .. بس ما رضيت.

ومهرة فديتها بعد حاولت تعتذر .. وقال لي: ماما أنا قلت لج آسفة وإني ما راح أسوي جذي مرة ثانية .. لكني بعد ما رضيت.

وبالعادة أعطي محاضرة صغيرة عن سبب زعلي والتصرف الغلط اللي سووه .. لكني هالمرة عطيتهم نظرة قاسية فقط لما شفت الغلط اللي سووه .. وما شرحت أي شي بعدها.

طبعاً متأكدة إن كل واحد فيهم عارف غلطته .. لأن كل واحد لما كان يعتذر كان يقول: أنا آسف لأني سويت كذا .. أو مرة ثانية ما راح أسوي كذا.

__________________

اللهم طِيبَ الأثر .. وحُسْنَ الرحيل.